Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

U shpall kampion bote, tifozët i kërkojnë futbollistit të shlyejë premtimin e dhënë

Postuar: 10/08/2018 - 10:04

Katër vite më parë shpëtoi, për fatin e tij të keq, nga Gjermania që eliminoi Francën në çerekfinale dhe i evitoi respektimin e bastit: “Nëse fitojmë Botërorin shkoj me biçikletë nga Trua (ku është bërë profesionist) në Paris (ku luante në atë kohë)”. Ndërsa, këtë herë Blez Matuidisë i ka shkuar keq.

Apo mirë? Nuk dihet, sepse fundja, lojtari bardhezi u shpall kampion bote, por tani duhet të mbajë premtimin e bërë në TV: “Nëse fitojmë në Rusi, shkoj nga Torino në Paris me biçikletë”. Dhe dje, mesfushori ka përsëritur se nuk do tërhiqet pas.
 
PIKU Duhet konsideruar fakti që basti u vendos disa muaj më parë, kur favoritet ishin mbi të gjitha Gjermania, Brazili, Argjentina e Spanja. Dhe Franca një sfidante e rangut të lartë. Por, në Rusi skuadra e Deshamp shkoi deri në fund dhe tani tifozët e gazetarët “kërkojnë llogari”. “Më takon ta bëj, – është shprehur mesfushori në Paris, ku u prit si hero, atyre që i rikujtonin premtimin, – por më duhet të gjej kohën sepse nuk është e lehtë”. Në fakt, udhëtimi është 717 kilometra, i “pasuruar” nga kalimi në Alpe dhe një pikë prej 2175 metrash. Pra, jo një shëtitje.
 
 
SFIDA TË TJERA 
 
Matuidi, megjithatë, nuk është i vetmi francez që ka ndërmarrë rreziqe përpara aventurës në Rusi. Rami ka “paguar” premtimin, duke sfiduar mbi një tartan kampionin olimpik të xhudos Tedi Rajner, përpara telekamerave të “Tf1”. Zhiru e Fekir premtuan të qethen; Lemar se do lyente flokët (ka ngjyrosur disi kreshtën); Toliso “duhet” të bëjë tatuazh Kupën e Botës. Ndërsa, kapiteni Loris u betua se do bënte xhiron e bareve në Nisë, ku është lindur e rritur.

/Agjensia e Lajmeve Sot News/

Na Beni Like Ne Facebook: 
Total votes: 0

Lajme nga e njejta kategori

Postuar: 18/08/2018 - 13:21

Lojtarët e Genovas dhe Sampdorias ishin sot pjesë e homazheve për funeralin shtetëror në nder të 18 prej 41 viktimave që shkaktoi shembja e urës Morandi.Përfaqësuesit e të dyja skuadrave hynë sëbashku në pallatin e pa

Postuar: 18/08/2018 - 10:21

Sot fillon Seria A për edicionin 2018-2019.

Postuar: 18/08/2018 - 09:47

Askush nuk mund t’i shpëtojë  këtij rituali në skuadër kur vjen si lojtar i ri.

Postuar: 18/08/2018 - 08:39

Pas incidentit të regjistruar në Korçë, ku tifozët e Skënderbeut dhe Partizanit u përleshën në fu

Postuar: 18/08/2018 - 07:27

 Reali i Madridit dhe Interi janë përplasur keq fare për çështjen e mesfushorit kroat Luka M

Postuar: 18/08/2018 - 07:25

Kombëtarja kuqezi do të luajë më 7 shtator kundër Izraelit në stadiumin “Elbasan Arena&rdqu

Postuar: 18/08/2018 - 07:23

Kampionati i 80-të kombëtar i futbollit nisi me përleshje mes tifozerive, duke mos dalluar nga ai