“Urë lidhëse mes dy brigjeve”/ 57 notarë me not nga Butrinti në Korfuz, flet drejtori i AKB

Një grup prej 57 notarësh britanikë, francezë, hollandezë dhe shqiptarë kaluan me not distancën që ndan brigjet shqiptare me ishullin e Korfuzit.

Ky aktivitet i organizuar nga Agjencia Kombëtare e Bregdetit dhe autoritetet e Korfuzit tenton të sjellë një vëmendje jo vetëm në aspektin turistik, por edhe atë historik.

“Kanali i Korfuzit një hapësire detare, e cila gjithmonë ka ndarë dy botë është vetëm 2 km në pikën e saj më të ngushtë. Por këto dy kilometra kanë ndarë gjithmonë këto brigje për arsye politike dhe historike. Për këtë arsye ky aktivitet kërkon, që të krijojë një urë lidhëse midis këtyre brigjeve për të nxitur më shumë shkëmbime kulturore sportive dhe turistike”, pohon Auron Tare drejtor i AKB.