BREAKING NEWS

Kryeministri Rama e ironizoi në emision me fallxhoren, reagon menjëherë Presidenca: Do takohesh shumë shpejt me...

Kryeministri Rama e ironizoi në emision me fallxhoren, reagon
x

Sport

Van Dajk tremb Mesin dhe Ronaldon, pas fitores së Superkupës europiane llogaritet favorit për “Topin e Artë”

Van Dajk tremb Mesin dhe Ronaldon, pas fitores së Superkupës europiane

Mesi apo Ronaldo do ta fitojë “Topin e Artë”? Kjo pyetje u mundon njerëzit prej më shumë se një dekade, pasi secili prej tyre ka fituar pesë trofe të tillë dhe i vetmi edicion pas 11 vjetësh që nuk e morën ata ishte ai i vitit 2018 ku triumfoi Luka Modriç i Kroacisë dhe Realit të Madridit. Nga ana tjetër, Mesi e Ronaldo janë kthyer sezonin që lamë pas me rekorde të reja, triumfe personale dhe me skuadrat, duke bërë performanca fantastike dhe njëherësh me ritëm të lartë realizimi sa u përket golave të shënuar. Por siç ndodhi me Modriç një vit më parë, mundet që edhe këtë edicion Mesi e Ronaldo të dalin “huq”, pasi në skenë është ngjitur frikshëm një lojtar holandez. Bëhet fjalë për Virgjil Van Dajk, i cili ka fituar Champions me Liverpulin, ka fituar çmimet si mbrojtësi më i mirë, ka statistika të mrekullueshme, e pas fitores së Superkupës së Europës mbrëmjen e dy ditëve më parë shihet si favoriti kryesor për të fituar “Topin e Artë”, duke zbritur Mesin dhe Ronaldon në vend të dytë e të tretë. Edhe pse çmimet e më të mirit të vitit do të jepen në janar, holandezi shihet që tani si sfidat shumë i fortë dhe me shanse më të mira se argjentinasi dhe portugezi, që patën një edicion shumë të mirë, por nuk morën asnjëri Champions. Në aspektin individual mesi është më mirë, pasi është kryegolashënues në Spanjë dhe Europë, ka realizuar më shumë asiste se të gjithë të tjerët, shkoi në gjysmëfinale të Champions dhe të Kupës së Mbretit, dhe ka një mundësi të fitojë superkupën e Spanjës. Por a mjaftojnë këto? Edhe Ronaldo ka fituar titull me Juventusin, fitoi edhe Ligën e Kombeve, por a mjafton kjo? Prandaj holandezi shihet favorit. I blerë pak kohë më parë për më shumë se 80 milionë euro nga Liverpuli, Virxhil Van Dajk u bë mbrojtësi më i shtrenjtë në histori (tani është Meguajër) dhe të shumta ishin kritikat karshi Klop se si mund të bëhet një shpenzim i tillë për një mbrojtës. Pavarësisht kritikave, Van Dajk ka arritur të justifikojë shumën e paguar për të duke shkëlqyer me fanellën e Liverpulit. Paraqitjet e tij, kanë bërë që të përfshihet në treshen më të mirë në Europë dhe pas pak ditësh, UEFA do të japë edhe çmimin për lojtarin më të mirë. Siç thamë, kandidatët për ta marrë këtë çmim, janë Mesi, Ronaldo dhe Van Dajk ku në vitet e fundit kanë qenë pikërisht Ronaldo dhe Mesi ato të cilët kanë dominuar. Çmimi do të jepet në datën 29 gusht, kur edhe do të hidhet shorti për grupet e Ligës së Kampionëve, ndërkohë që duket se favoriti kryesor për ta fituar, është pikërisht Van Dajk që ka fituar Ligën e Kampionëve dhe Superkupën e Europës. 

Renditja e lojtarëve më të mirë:

1.Virxhil Van Dajk

2.Kristiano Ronaldo

3.Lionel Mesi

4.Alison Beker

5.Sadio Mane

6.Mohamed Salah

7.Eden Hazard

8.Matijs de Ligt

9.Frenki de Jong

10.Rahim Sterling

Adriatik BALLA