BREAKING NEWS

Tronditet futbolli, ndërron jetë legjenda Diego Armando Maradona

Tronditet futbolli, ndërron jetë legjenda Diego Armando Maradona
x

Sport

Vendimi/ Interi shkarkon Stramaçionin

Vendimi/ Interi shkarkon Stramaçionin

Andrea Stramaçioni nuk do të jetë më trajneri i Interit. Ajo që jepej si e sigurt pavarësisht se mungonte zyrtarizimi ka ndodhur ditën e enjte ku klubi zikaltër i ka komunikuar nëpërmjet drejtorit sportiv Branka shkarkimin nga detyra si trajneri i zikaltërve. Tani është për tu zgjidhur edhe çështja e kontratës ku trajneri 37-vjeçar ishte i lidhur me Interin deri në vitin 2015. Vështirë të mendohet se Stramaçioni do të pranojë ndarjen konsensuale ndaj lëvizja e radhës i takon presidentit Morati i cili fillimisht duhet të zgjidhë çështjen e trajnerit aktual përpara se të bëjë zyrtarizimin e Valter Mazarit si teknikun e ardhshëm të Interit që mendohet se do të bëhet ditën e hënë. Pas një periudhe këshillimesh padroni i Interit ka marrë këtë vendim të dhimbshëm pasi ka qenë vetë ai që e ka zgjedhur dhe mbështetur trajnerin e ri roman por me frikën se mund të rrezikonte shumë nëse edhe sezoni i ri do të niste në një mënyrë jo pozitive. Stramaçioni që mori drejtimin e Interit më 26 mars të 2012 pas shkarkimit të Klaudio Ranierit e ka drejtuar skuadrën zikaltër në 65 ndeshje në të gjitha kompeticionet duke regjistruar 31 fitore, 11 barazime dhe 23 humbje.