Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ventura me surpriza përballë Shqipërisë, fton tre lojtarë të rinj

Postuar: 19/03/2017 - 08:11

Shqipëria do të përballet më 24 mars me yjet e Italisë në stadiumin “Renzo Barbera” të Palermos. Yjet janë zbuluar dje nga vetë trajneri Xhiampiero Ventura. Në listën e lojtarëve të grumbulluar ka edhe surpriza, sepse janë ftuar lojtarë të rinj. Kështu, portieri i Spalit, Aleks Meret, mbrojtësi i Atalantës, Leonardo Spinaxola dhe ai i Interit, Danilo D’Ambrosio janë tre risitë e Italisë për sfidën kualifikuese të 24 marsit ndaj Shqipërisë në Palermo. 25 janë futbollistët e grumbulluar nga trajneri i përfaqësues së kaltër Ventura për takimin eliminator ndaj kuqezinjve të Xhani De Biazit dhe miqësoren ndaj Holandës që do të luhet në 28 mars në Amsterdam. Nuk mungojnë surprizat në listën e Venturës me mesfushorin e Juventusit, Klaudio Markizio që është lënë jashtë për çështje teknike ndërkohë që për arsye dëmtimi nuk është grumbulluar mbrojtësi i bardhezinjve Xhorxhio Kjelini. Për sfidën ndaj Shqipërisë, Ventura ka rikthyer në kombëtaren italiane Manolo Gabiadinin, i cili po shkëlqen gjatë kësaj periudhe me fanellën e Sauthempton në Premier League. Nuk mund të mungonte kurrsesi në listën e të grumbulluarve, Lorenzo Insinje, njeriu që po udhëheq Napolin me paraqitjet e tij fantastike në muajt e fundit. Ventura ka grumbulluar edhe mesfushorin e Interit, Roberto Galiardini, ndërkohë që nga Juventusi janë thirrur 4 lojtarë, Bufon, Barzali, Rugani e Bonuçi. Në portë përveç Bufon e Donarumës spikat grumbullimi i Aleks Meret portierit të Spalit në Serinë B, skuadër që në mënyrë surprizë kryeson renditjen në këtë kampionat. Në mbrojtje emra të tjerë të rëndësishëm janë Romanjoli, Astori, Darmian e De Shilio. Në mesfushë përveç Galiardinit, Ventura ka besuar te përvoja e Daniele De Rosit, klasi i Marko Verratit dhe forca e Marko Parolos. Te lojtarët e krahut Insinje është një nga ata që spikasin më shumë sepse janë grumbulluar edhe Kandreva, Bernardeski e Sansone. Në sulm të gjithë sytë do të jenë te Beloti e Imobile dy nga sulmuesit italianë më rezultativë në Serinë A gjatë këtij sezoni, ndërkohë që përveç Gabiadinit, Ventura ka grumbulluar edhe lojtarin e Interit, Eder.

 

/Agjensia e Lajmeve Sot News/

Na Beni Like Ne Facebook: 
Total votes: 6

Lajme nga e njejta kategori

Postuar: 23/11/2017 - 07:40

Serie A e këtij sezoni njeh shumë skuadra që rivalizojnë për titullin. Natyrisht, një nga favoritet është Juventusi, skuadër që ka fituar shumicën e trofeve të futbollit italian gjatë viteve të fundit, duke bërë ligjin në “Scudeto”.

Postuar: 23/11/2017 - 07:39

Barazimi i Liverpulit ndaj Seviljes mbrëmjen e së martës në Ligën e Kampioneve nuk ka kaluar pa debate dhe polemika të shumta, sepse anglezët ishin duke udhëhequr në pjesën e pa

Postuar: 23/11/2017 - 07:38

Liga e Kampioneve mbylli duelet e xhiros së pestë në fazën e grupeve, ku edhe një herë tjetër konfirmohen skuadrat e mëdha, por këtë herë pati dhe surpriza, pasi Bazeli i Taulan

Postuar: 23/11/2017 - 07:35

Klubi i Kukësit po kalon një krizë në këtë periudhë, shprehur me mungesën e fitoreve në ndeshjet e fundit.

Postuar: 23/11/2017 - 07:34

Fitorja e Partizanit në duelin e javës së 11-të kundër Kukësit ka kthyer shpresat e të kuqve për një rivalitet të ethshëm në garën për titull, dëshmuar me afrimin në renditje ka

Postuar: 23/11/2017 - 07:32

“Gjithçka për fëmijët”, sepse gjithçka duhet të nisë nga ata që futbollin e jetojnë me pasion.

Postuar: 23/11/2017 - 07:31

Kapiteni Gilman Lika ishte një nga më të dalluarit në takimin e Vllaznisë përballë Lushnjës, ndërsa shënoi edhe golin që zhbllokoi sfidën, në minutën e 5-të të takimit.