Zbardhet arsyetimi i Federatës Italiane të Futbollit: Ja pse dënimi për Juventus shkoi nga -9 në -15 pikë

Juventus u dënua nga drejtësia sportive me heqjen e 15 pikëve nga renditja e Serie A, kjo për manovrat në bilancet financiare për pagat dhe lëvizjet e lojtarëve të njohura si "plusvalenca".

Sipas vendimit të argumentuar nga Federata Italiane e Futbollit dhe e publikuar pjesërrisht, provat për dënimin e Juves ishin të pakundërshtueshme.

"Është e padiskutueshëm që pasqyra e fakteve që është përcaktuar nga dokumentacioni që u kalua nga Prokuroria e Torinos, te Prokuroria federale e FIGC, e cila e përdori për kthimin e vendimit, nuk njihej nga gjykata federale në momentin e vendimit të parë dhe nëse do të ishte në dijeni, me siguri do të kishte sjellë një vendim të ndryshëm”, shkruhej ndër të tjera në argumentim.

“Duke marrë për bazë precedentët që i përkasin ndryshimeve në kontabilitetin e klubit për disa periudha, në sasi dhe intensitet, u cilësua e nevojshme që të ripërcaktohej sanksioni në krahasim me kërkesën e prokurorit federal", thuhet në vendim.

Në themel, u konsiderua se Juventusi e kishte kryer veprën, “duke pasur parasysh dokumentacionin që vjen nga drejtuesit e klubit dhe nga dorëshkrimet përkatëse të gjetura, përgjimet pa mëdyshje dhe provat e mëtejshme në lidhje me ndërhyrjet për fshehjen e dokumenteve apo edhe manipulimin e faturave”.

Në vendim thuhet gjithashtu se ndryshimet në fatura janë bërë me stilolaps.