Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Julian Assange: Inteligjenca Artificiale, kërcënim ekzistencial për njerëzimin

Julian Assange: Inteligjenca Artificiale, kërcënim ekzistencial për njerëzimin

Postuar: 17/01/2018 - 19:11

Themeluesi i ‘WikiLeaks’, Julian Assange u është bashkuar sot që paralajmërojnë rrezikun ekzistencial që i vjen njerëzimit nga Inteligjenca Artificiale. Përmes një statusi në rrjetin social ‘Twitter’, Assange akuzon kompanitë e mëdha si përçuese dhe prodhuese të këtij rreziku që duket se po hyn me forcë në axhendën publike të elitave shtetërore.
 
“E ardhmja e njeriut është beteja mes njerëzve që kontrollojnë makinat dhe makinat që kontrollojnë njerëzit.
 
Ndërsa interneti ka sjellë një revolucion në aftësinë tonë për edukuar njëri-tjetrin, shpërthimi demokratik që pasoi ka tronditur stabilimentin aktual në zemër të tij. Super-shtetet dixhitale që janë në ngritje si ‘Google’, ‘Facebook’ dhe ekuivalentët e tyre kinezë, që janë integruar në rendin e tanishëm, po lëvizin për të marrë në kontroll diskursin. Ky nuk është një aksion thjesht korrigjues. Ndikim i pakuptueshëm masiv social, i fuqizuar nga Inteligjenca Artificiale është kërcënim ekzistencial për njerëzimin.
 
Ndonëse ende në hapat e parë, natyra gjeometrike e kësaj prirjeje është e qartë. Fenomeni në fjalë ndryshon nga përpjekjet tradicionale për formësimin e kulturës dhe politikës, duke vepruar në një shkallë, shpejtësi dhe një stërhollim në rritje që me shumë gjasë do të eklipsojë kundërmasat e njeriut.
 
Lufta bërthamore, ndryshimet klimaterike apo pandemitë globale janë kërcënime ekzistenciale për të cilat ne mund të punojmë së bashku me bashkëbisedim dhe mendim. Diskutimi i lirë është si sistemi imunitar i njerëzimit për kërcënimet ekzistenciale. Sëmundjet që infektojnë sistemin imunitar janë zakonisht fatale, prandaj në këtë rast kërcënimi është në një shkallë planetare”, shkruan Assange,
Vitin e kaluar pati gjithashtu nisma për sensibilizim ndaj kërcënimit që vjen nga Inteligjenca Artificiale. Fizikanti i njohur Stephen Hawking dhe miliarderi dhe novatori Elon Musk janë emrat e njohur që morën pjesë në këtë drejtim. Ditë më parë Assange, i cili qysh prej vitit 2012 është strehuar në ambasadën e Ekuadorit në Londër, ka arritur të marrë shtetësinë ekuadoriane.
(Perkthimi: Telegraf)

/Agjensia e Lajmeve Sot News/

Na Beni Like Ne Facebook: 
Total votes: 50

Lajme nga e njejta kategori

Postuar: 21/06/2018 - 22:37

Në kufje gjendet një element i quajtur cerumeni, një produkt i gjëndrave ceruminale dhe gjëndrave të djersës të përzier me qeliza të vdekura të lëkurës, veshëve, baktere dhe papastërti nga veshi.

Postuar: 21/06/2018 - 17:16

Ashtu siç kishte paralajmëruar më herët gjatë këtij muaji, rrjeti social “Instagram”

Postuar: 20/06/2018 - 23:00

Qyteti i Bordosë do të presë verën e vitit 2020 Robo-Kupën, kupa e botës robotike që mbledh çdo v

Postuar: 20/06/2018 - 21:38

Për shumë shekuj, shumë njerëz kanë besuar se ari është një nga materialet më të shtrenjta në bot

Postuar: 20/06/2018 - 21:12

Instagram ka publikuar një opsion të ri të publikimit të videove, i cili lejon përdoruesit të pos

Postuar: 19/06/2018 - 22:32

Samsung Electronics ka njoftuar versionin e ri të ngjyrës Sunrise Gold për smartfonët Galaxy S9 d

Postuar: 19/06/2018 - 19:43

Dyqani i aplikacioneve të “Apple” që njihet si “App Store” ka realizuar 1