BREAKING NEWS

Publikoi videon e Lefter Allës duke thithur kokainë, Artan Hoxhën e thërrasin në Polici, vjen reagimi që nuk pritej i Blendi Fevziut

x

tech-bota

Aktori i njohur britanik: Gjigandët e internetit, makineria më e madhe e propagandës në histori

Aktori britanik i humorit Sacha Baron Cohen sulmoi ashpër dje gjigandët e mediave sociale  si Facebook e Twitter, duke i quajtur “makineria më e madhe e propagandës në histori”.
 
Komendiani i dashur britanik bëri komentet në marrjen e çmimit  ndërkombëtar të lidershipit ADL, për të bërë thirrje ndaj këtyre kompanive që “amplifikojnë urrejtjen dhe dhunën në shoqëri”.
 
 “E gjithë kjo urrejtje dhe dhunë po lehtësohet nga disa kompani të mëdha interneti që janë kthyer në mëkinerinë më të mëdha të propagandës në histori”, i tha ai audiencës në New York.
 
“Pa ta mendoni,  Facebook, YouTube e Google, Twitter dhe të tjerë arrijnë te miliarda njerëz dhe me algoritmat e përdorur të përshtatjes, përshkallëzojnë qëllimisht përmbajtjet që i mbajnë njerëzit sa më të angazhuar në to, me lajme që tërheqin te njerëzit instinktet më të ulëta, duke shkaktuar tërbim dhe frikë”.
 
Baron Cohen dënoi veçanërisht Facebook për publikim të shënjestruar të reklamave poitike, pa u shqetësuar të kontrollojë faktet apo vërtetësinë e tyre.
 
“Nëse paguani, Facebook do të qarkullojë çdo reklamë politike që dëshironi, edhe nëse është krejt gënjeshtër,” tha ai.
“Madje ata ndihmojnë komapni duke mikro-shënjestruar reklamat te njerëzit më të dobët e të ekspozuar, për të pasur efekt sa më maksimal. Me këtë logjikë perverse, sikur Facebook të ishte me ne në vitet 1930, do t’i kishte lejuar Hitlerit të postonte reklama 30-sekondëshe për ‘zgjidhjet e tij’ mbi ‘problemin hebre’”, tha Baron Cohen me humor.
 
“Prandaj ja ku ke një standard praktike: Facebook, nis të kontrollosh faktet para se të bësh reklama politike, mos publiko menjëherë gënjeshtra të mikro-shënjestruara por ktheji mbrapsht ato para”, tha ai.