Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gjermania kufizon Facebook për mbledhjen e të dhënave

Postuar: 07/02/2019 - 15:48

Zyra Federale e Konkurrencës në Gjermani njoftoi këtë të enjte se do të imponohen kufizime të reja mbi mënyrën sesi Facebook mbledh të dhënat e përdoruesve nga aplikacionet Whatsapp dhe Instagram, sikurse edhe nga faqet e internetit të palëve të treta, përmes integrimit të opsioneve të tilla si butonat “Pëlqej”.
 
Përdoruesve, në vend që t’iu kërkohet të pranojnë se të dhëna të caktuara do të grumbullohen në llogaritë e tyre në Facebook bazuar mbi një marrëveshje të nënshkruar një herë që prej krijimit të llogarisë (termat dhe kushtet), duhet t’iu kërkohet në të ardhmen mirëkuptimi për çdo rast.
 
“Në të ardhmen, Facebook nuk do të mund të lejohet më të detyrojë përdoruesit e tij të bien dakord me mbledhjen praktikisht të pakufizuar dhe transferimin e të dhënave nga jashtë Facebookut në llogaritë e tyre të këtij rrjeti social”, tha shefi i FCO-së, Andreas Mundt.
 
“Nëse përdoruesit nuk e japin mirëkuptimin e tyre, Facebook nuk duhet t’i përjashtojë ata nga shërbimet e tij dhe duhet të ndalet së mbledhuri dhe bashkuari të të dhënave nga burime të ndryshme”, shtoi më tej ai.
 
Zyra e drejtuar prej tij zbuloi se, Facebook ka një pozicion “dominues” mes rrjeteve sociale në Gjermani, teksa 23 milionë përdoruesit e përditshëm të tij përfaqësojnë 95 për qind të tregut, duke nënkuptuar kështu se nuk ekziston një shërbim alternativ për shumicën e njerëzve.
 
Kjo, për autoritetin në fjalë gjerman, nënkupton se “sjellja e Facebookut përfaqëson mbi të gjitha të ashtuquajturin abuzim shfrytëzues”.
 
“E vetmja zgjidhje që kanë përdoruesit tani është, ose të pranojnë kombinimin e plotë të të dhënave, ose pengohen të përdorin rrjetin social”, tha Mundt. “Në një situatë të tillë kaq të vështirë, zgjedhja e përdoruesit nuk mund të konsiderohet si mirëkuptim vullnetar”.
 
Në një reagim të tijin, rrjeti social Facebook njoftoi se do të apelonte vendimin e Zyrës Federale të Konkurrencës në Gjermani.
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 14/11/2019 - 09:01

Facebook njoftoi se ka fshirë rreth 5.4 miliardë profile të rreme në rrjetin social më të njohur në botë. Kompania tha se shumë profile false ishin fshirë menjëherë pasi ato ishin krijuar.

Postuar: 10/11/2019 - 14:45

Fotot e postuara në Instagram nuk kanë ‘kuptim’ pa like-t dhe komentet, madje sh

Postuar: 09/11/2019 - 21:56

Rrjeti social shumë i përdorur, Instagram, ka pësuar ndryshime rrënjësore muajt e fundit.

Postuar: 09/11/2019 - 18:31

Këto ditë kur performancat në telefona inteligjentë kanë filluar të jenë të njejta, një nga dal

Postuar: 08/11/2019 - 19:20

Telefoni i parë i palosshëm i Samsung, Galaxy Fold, po garon drejtpërdrejt kundër të parit të H

Postuar: 07/11/2019 - 17:55

Pekini ka njoftuar sot planet për zhvillimin e teknologjisë 6G duke tentuar të çimentojë suprem

Postuar: 06/11/2019 - 14:43

Pas aludimeve të shumta ditët e fundit për krijimin e rrjetit 5G  të internetit, vjen reagim