Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kompania që premtonte biletë vetëm vajtje për në Mars, rezulton e falimentuar

Postuar: 11/02/2019 - 19:15

Kompania ‘Mars One Ventures’ e cila pretendonte se do të dërgonte qindra njerëz për të jetuar (e rrjedhimisht dhe për të vdekur) në Planetin e Kuq, rezulton tashmë e falimentuar sipas të dhënave zyrtare financiare zvicerane.
 
Tashmë ekspertët thonë se kjo nuk është për t’u çuditur pasi prej kohësh dyshohej se Mars One ishte një mashtrim, i cili shfrytëzonte dëshirën e njerëzve për të udhëtuar në hapësirë, pa ndonjë plan të vërtetë sesi do të arrinin aty.
 
Lajmi për likuidimin e kompanisë erdhi në fundjavë, kur një lexues vuri re lajmin e falimentimit të kompanisë zotëruese të Mars One që rezultonte e mbyllur prej 15 janarit.
 
Mars One ka qenë prej kohësh e përfshirë në polemika mbi planet e saj të dyshimta për dërgimin e njerëzve në hapësirë, ku ata supozoheshin të kalonin pjesën e mbetur të jetës.
 
Kompania u premtonte aspirantëve për astronautëve se do t’i dërgonte në koloninë e parë njerëzore në Planetin e Kuq, por nuk mund t’i rikthente në tokë pasi ende nuk e kishte teknologjinë për ta bërë.
 
Kompania pretendonte se kishte marrë rreth 200,000 aplikime nga e gjithë bota por dyshime u hodhën mbi procesin e zgjedhjes së kandidatëve.
 
Gjithashtu  Mars One nuk prodhoi pajisje aeronautike por pretendonte se do të financonte dhe blente pajisjet e nevojshme me anë të krijimit të një programi realit-TV të misioneve të saj drejt Marsit, që do të ndiqnin kandidatët në rrugëtimin e tyre kozmonautik.
 
Ekspertët llogarisin se një sipërmarrje e tillë do të kushtonte qindra miliarda dollarë.
Kompania tha më tej se dot dërgonte një seri misionesh me robotë në Mars për krijimin e impianteve të nevojshme para ardhjes së njerëzve për të cilat tha se do të ishin gati në 2020, më pas në 2025 e më tej në 2031.
(Theverge.com)

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/04/2019 - 12:38

Të gjithë përdoruesit e “Instagram” mund të mërziten disi nga ndryshimi i fundit që po testohet nga kompania.

Postuar: 20/04/2019 - 10:11

Me afrimin e shpejtë të ditës së Tokës, Apple ka treguar planet për evenimentin, ka lëshuar rapor

Postuar: 19/04/2019 - 16:23

Telefoni i ri Samsung Galaxy Fold është i fundit i nxjerrë në treg nga kompania e Samsung dhe mes

Postuar: 19/04/2019 - 15:10

Facebook ka bllokuar shumë individë dhe organizata të së djathtës ekstreme në Britaninë e Madhe,

Postuar: 19/04/2019 - 13:50

Miliona fjalëkalime të përdoruesve të Instagram kanë qenë të ekspozuara në serverat e saj.

Postuar: 18/04/2019 - 16:49

Një asteroid i madh sa një pallat 7-katësh do kalojë sot në orët e vona të natës në hemisferën l

Postuar: 17/04/2019 - 09:31

 Ata që merren me parashikimet e “prurjeve” të Samsung thonë që kompania koreno-