BREAKING NEWS

Turqia goditet sërish nga tërmeti, ja sa ballë ishte

Turqia goditet sërish nga tërmeti, ja sa ballë ishte
x

tech-lifestyle

Hapësira/ Sinjale të forta teleskopike radio habisin shkencëtarët

Hapësira/ Sinjale të forta teleskopike radio habisin
Shpërthimet e forta radio nga hapësira janë një nga misteret e mëdha të astrofozikës moderne. Ato janë sinjale të shpejta që zgjasin disa milisekonda dhe kapen nga teleskopët gjigandë radiofonikë, të cilat eksitojnë pamasë astronomët.
 
Por kjo jo për faktin e botëve të mundshme aliene, por për eventet madhore misterioze që mund të jenë duke ndodhur në universin e pafundshëm.
 
Këto sinjale vijnë nga galaksi të tjera dhe do të thotë se andej nga vijnë, po prodhohen sasi madhore energjie, ndoshta më shumë energji se dielli mund të prodhojë gjatë një dekade, prandaj janë të lidhura me evente  madhore të universit dhe mund të ndihmojnë në të kuptuarit e strukturës dhe historisë së tij.
 
Cilësia e tyre kyçe është shpërndarja: vala më e shkurtër radio arrin në teleskop përpara valës më të gjatë e më të fuqishme. Shkencëtarët thonë se kjo ndodh pasi sinjali kalon mes një sasie të madhe gazi të nxehtë (plazme) e cila i ngadalëson ato, me masë në varësi të gjatësisë së valës.
 
Masa e shpërndarjes na tregon sesa lëndë ato kanë kapërcyer për të arritur te teleskopi dhe deri tani nuk dihet me siguri çfarë natyre ka kjo masë.
 
Një sinjal i shpejtë radio vjen nga miliarda vite dritë larg, por ngadalësohet sa herë që has një re gazi.
Prandaj llogaritja e kohës dhe gjatësisë së valës i tregon shkencëtarëve  masën e zbrazëtisë së lëndës mes galaksive.