Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Teknologji/ Makinat pa shofer të bëjnë për të vjellë, por ka një zgjidhje

Postuar: 13/11/2018 - 19:02

Makinat pa shoferë pritet ta fusin transportin e të ardhmes së afërt në utopi, kështu të paktën sipas shumicës së komentuesve.
 
Konceptet artistike të këtyre mjeteve futuristike shpesh i tregojnë pasagjerët të ulur përballë njëri-tjetrit duke biseduar ose duke shijuar aktivitete të tjera, teksa drejtimin e mjetit e bën vetë makina. Dhe vërtet atraksioni kryesor i idesë është aftësia për të bërë diçka tjetër kur je duke u transportuar i sigurtë në destinacionin tënd.
 
 Por disa prej studimeve sugjerojnë se asnjëherë nuk do të ndjehemi aq rehat sa propozohet në vizionet e kompanive, pasi sapo të shikojmë përpara makinën që iu merr kthesat vetë, do të na përzihet stomaku. Ashtu si sëmuren pasagjerët në rastet kur nuk mund të shikojnë nga dritarja e automjetit, edhe mos-prejka e komandave të makinës për të bërë diçka tjetër mund të shkaktojë të njëjtin problem.
 
 Në një eksperiment të fundit zbulohet se të përzierat e makinës rriteshin me 100 pë qind në një automjet pa shofer kur pasagjerët qëndronin me pamje prapa. Kjo konfirmon studime të mëparshme që tregojnë se mangësia ëpr të parë përpara përkeqëson sëmundjen e makinës.
 
Me shumë gjasa të përzierat e lëvizjes në mjet shkaktohen nga një konflikt mes sinjaleve të shqisave tona të ndryshme. Kur sytë vëzhgojnë mjedisin që na rrethon, ndjesitë tona të brendshme e kujtojnë që jemi në lëvizje, ndërsa kur këto të dyja nuk përputhen me njëra-tjetrën atëherë vjen sëmundja e lëvizjes.
 
Kjo përputhet me faktin se shoferët nuk kanë asnjëherë sëmundjen e lëvizjes pasi janë në dijeni të çdo lëvizjeje që mjeti do të kryejë, siç ndodh dhe me timonierin në barkë, prandaj dhe ata për shembull anojnë kokën nga para e kthesës si kundërpeshë ndaj inertësisë, ndërsa pasagjerët e bëjnë këtë pasi makina ka hyrë në kthesë.
 
Zgjidhja më e mirë për sëmundjen e makinës është fiksimi me sy i një objekti të largët në drejtimin që po lëvizni, për t’i sinjalizuar trurit sensin e lëvizjes. Por kjo do të jetë e vështirë me makinat pa shofer nëse ulemi me shikimin prapa.
Një tjetër ndihmë mudn të jetë dhënia e informacionit paraprak për lëvizjet e mjetit me zë ose me sinjale.
 
Por makinat pa shofer mund të krijohen për të minimizuar të përzierat pasi teknologjia mund të parashikojë ndjesinë e psasagjerëve nga sinjalet e tyre jetësore apo postura e trupit, me të cilat automjeti inteligjent mund të maksimizojë komfortin e pasagjerit.
 
Është studiuar gjithashtu opsioni i mjetit të vogël vibrues prapa veshit që supozohet të zgjasë kohën para se shumica e njerëzve më të ndjeshëm të ndjejnë të përzierat.
 
Kërkime të tjera do të fokusohen në trajnimin e njerëzve për të kryer punë të tjera në makinën vetë-drejtuese, që të mos ndjehen sëmurë, në mënyrë që kjo dobësi të mos ndalojë rrugën e lavdishme të teknologjisë.
 
Përgatiti Andi Lamko
(phys.org)

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/07/2019 - 18:17

Një aplikacion i ri që quhet “FaceApp” është kthyer në trendin e verës.

Postuar: 17/07/2019 - 12:28

Agjencia e taksave në Bullgari ka rënë pre e një sulmi kibernetik i cili ka vjedhur të dhënat e t

Postuar: 16/07/2019 - 18:13

 Rrjeti social “Facebook” është gjobitur tashmë me një gjobë që ka vlerën e prej

Postuar: 16/07/2019 - 17:09

I ftuar në studion e Top Talk, kreu i PDK, Nard Ndoka foli për përgjimet e dosjeve 339 dhe 184, d

Postuar: 13/07/2019 - 08:51

Rregullatorët amerikanë kanë miratuar një gjobë rekord prej 5 miliardë dollarësh  ndaj

Postuar: 10/07/2019 - 08:33

Prej disa kohësh Instagrami ka marrë stafetën si rrjeti social më i përdorur në të gjithë botën.

Postuar: 04/07/2019 - 19:54

 Ditën e djeshme Instagram dhe Facebook u goditën nga një defekt teknik që zbuloi mënyrën se