Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Kjo marrëveshje që firmosim sot...”, Facebook rrezik për sigurinë publike

Postuar: 04/10/2019 - 13:38

Rrjeti social më i madh në botë, Facebook, synon t'u ofrojë të gjithë përdoruesve të vet një teknologji të re për t'i mbrojtur nga përgjimi. Por nisma kritikohet nga disa vende, të cilat kërkojnë akses te platforma për të ndjekur betejën kundër abuzuesve dhe terrorizmit.

Britania e Madhe, Australia dhe SHBA-ja kanë apeluar Facebook të heqë dorë nga planet për rritjen e sigurisë së shërbimit për gati 2,4 miliardë përdorues.

Gjiganti i rrjeteve sociale, që zotëron edhe platformat si Whatsapp apo Instagram, synon të aplikojë teknologji të sofistikuara që e bëjnë të pamundur përgjimin e komunikimeve mes përdoruesve nga palët e treta.

Kjo prek edhe institucionet ligjzbatuese, të cilat druhen se do e kenë më të vështirë të hetojnë abuzuesit e fëmijëve, terroristët apo pjesëtarët e organizatave kriminale që i përdorin këto aplikacione.

Ndaj në një letër të hapur të firmosur të enjten në Uashingtonin, ministrja e Brendshme britanike, Priti Patel, dhe ministri amerikan i Drejtësisë, Uilliam Bar, kërkuan akses të pakufizuar në teknologjinë e kompanisë.

"Facebook duhet të angazhohet në dialog konstruktiv me ne, gjë që nuk ka ndodhur deri tani. Komunikimi i shifruar krijon hapësira për terroristët, për krimin e organizuar dhe abuzuesit e fëmijëve, dhe cenon sigurinë kombëtare. Kjo marrëveshje që firmosim sot ka për ta bërë më të lehtë shkëmbimin e provave inkriminuese me kompanitë në Amerikë," u shpreh ministrja britanike, Patel.

Facebook mbron pikëpamjen se duhet respektuar e drejta e çdo përdoruesi për biseda private në internet.

Teknologjia antipërgjim është aktualisht në përdorim për mbi 1,5 miliardë përdoruesit e Whatsapp, dhe pritet të zbatohet edhe për e aplikacionet Facebook Messenger dhe Instagram.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 09/10/2019 - 20:12

Instagram, një nga aplikacionet më të përdorur në botë për të biseduar apo edhe për të postuar foto ka marrë një vendim drastik.Nisur që nga ky moment nuk do të mundni të përdorni më opsionin “Following” p

Postuar: 03/10/2019 - 19:16

Gjykata Evropiane e Drejtësisë pas një ankese nga ish-drejtuesja e Partisë së Gjelbër Austriake,

Postuar: 28/09/2019 - 09:40

Risitë shkencore që po vihen në jetë nga NASA, duket se nuk kanë fund.

Postuar: 20/09/2019 - 18:05

Apple akuzohet kohët e fundit se nuk arriti dot të mbrojë telefonat me update nga viruset dhe vje

Postuar: 18/09/2019 - 18:56

“Rama dhe Veliaj po kërkojnë të shantazhojnë dhe të kërkojnë vkm 510 që grabit kopshtin bot

Postuar: 14/09/2019 - 08:25

 Nuk kanë fund telashet për Lëvizjen Socialiste për Integrim.

Postuar: 13/09/2019 - 16:50

Shumë shpejt çdo mesazh dhe telefonatë që shqiptarët do të bëjnë në aplikacionet WhatsApp dhe Vib