“Punësim në shpi bari, trafikim njerëzisht drejt Anglisë”/ Si shqiptarët po e kthejnë TIK Tok në një dark Web duke joshur edhe bandat kriminale

Tik Tok, ndërsa shumë shtete europiane dhe SHBA po kyçin platformën me akses të kufizuar, për shqiptarët sa i përket çështjeve të sigurisë, po e kthejnë në një dark Web për shfrytësimin e botës së krimit shqiptar.

Një investigim të fundit, zbulohet se në “Tik Tok” është mundur të gjesh gjithçka, që tek numrat e celularit të pa regjistruar, para false, por edhe punësime në shtëpi bari sikurse trafik njerëzish drejt Anglisë me gomone, kamion ose me pasaporta të falsifikuara.

Nga një kërkim i thjeshte në “Tik Tok” mund të gjesh profile  dhe që shesin armë apo ofrojnë shërbime seksuale.

Jo të pakta janë rastet kur shqiptarë të botës së krimit, e përdorin këtë platformë për të shantazhuar apo për të ushtruar presion për borxhe të pa shlyera apo mosmarrëveshje të tjera.

Ndërkohë që shumë  video në tik tok që reklamojnë aktivitete të paligjshme  kthehen virale policia është orientuar drejt këtij rrjeti social për të identifikuar autorët.  Rasti më i fundit është i një drejtuesi mjeti që u ndëshkua me masë administrative pasi në një video në tik tok shfaqej duke drejtuar mjetin me më shumë se 300 km në orë në tunelin e Kalimashit.