Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Skandal me Whatsapp-in/ Janë përgjuar qeveritë në 20 vende, nga zyrtarët e lartë te gazetarët, kreu i aplikacionit: Keqpërdorimi duhet të marrë fund (Ja ç’ka ndodhur)

Postuar: 01/11/2019 - 11:39

Përmes shërbimit të mesazhit, Whatsapp sipas një agjencie lajmesh janë përgjuar qeveri dhe ushtri në të paktën 20 vende të botës. Një software përgjues i një firme izraelite ka shfrytëzuar një boshllëk sigurie.

Një numër jo i vogël anëtarësh nga qeveri dhe ushtri të të paktën 20 vendeve të botës sipas të dhënave të qarqeve të brendshme kanë qenë objekt përgjimi përmes shërbimit të mesazhit, Whatsapp. Këtë ia kanë konfirmuar agjencisë Reuters disa persona, që janë ngarkuar me një hetim të brendshëm të degës së Facebook-ut, Whatsapp. Me një software spiunazhi mund të përgjoheshin smartphonët e të prekurve.

Whatsapp ka dorëzuar të martën aktakuzën kundër firmës izraelite të softwarëve NSO Group. Kjo firmë akuzohet, se ka zhvilluar një program spiunazhi dhe e ka shitur atë, duke shfrytëzuar një boshllëk sigurie në serverat e Whatsapp-it. Me këtë janë hakeruar smartphonët e më të paktën 1.400 përdoruesve. Të prekur janë edhe gazetarë dhe aktivistë të të drejtave të njeriut.

NSO kishte deklaruar më parë lidhur me akuza të tilla, se ka shitur programe spiunazhi vetëm për qeveritë që i përdorin ato në luftën kundër terrorit apo kriminalitetit. Për akuzat e reja NSO nuk është prononcuar.

Kreu i Whatsapp-it, Will Cathcart ka deklaruar se ky grup paraqitet se punon me përgjegjësi për qeveritë. “Por ne kemi zbuluar, se më shumë se 100 gazetarë dhe aktivistë të të drejtave të njeriut në majin e kaluar kanë qenë objekt sulmi. Ky keqpërdorim duhet të marrë fund.”

Kodi përmes videolidhjes

Sipas të dhënave, NSO ka përdorur një boshllëk sigurie në shërbimin e mesazhit, Whatsapp për të instaluar programin Pegasus. Në smartphonët e përdoruesve është shfaqur vetëm një telefenatë videoje, shkroi Cathcart në një artikull për “Washington Post.” Në të vërtetë pas rënies së ziles është instaluar një kod dëmtues për të instaluar softëare spiunazhi.

Shërbimi Whatsapp u bëri thirrje përdoruesve që të aktualizojnë celularin për të mbyllur këtë boshllëk sigurie. NSO u identifikua pas disa muaj hetimesh. Që në vitin 2016 ekspertët e kishin akuzuar këtë firmë, se ka ndihmuar në përgjimin e aktivistëve në Emiratet e Bashkuara. Pegasus është në gjendje të aktivizojë kameran dhe mikrofonin e smartphoni-t të personit të përgjuar. DW

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 15/12/2019 - 18:42

Sipas Google, shqiptarët kanë kërkuar më shumë për dukurinë natyrore të tërmetit dhe historikun e tij, duke e lidhur këtë kërkim edhe fatkeqësinë që tronditi Shqipërinë më 26 nëntor.

Postuar: 09/12/2019 - 15:53

WhatsApp ka njoftuar se së shpejti do të ndalojë së funksionuari në miliona telefona në gjithë bo

Postuar: 07/12/2019 - 21:37

Instagram do të fillojë t’u kërkojë të gjithë përdoruesve të rinj të shkruajnë di

Postuar: 04/12/2019 - 15:36

Shanset që gjatë gjithë jetës suaj virtuale të keni folur me dikë që ka profil fallso janë të lar

Postuar: 03/12/2019 - 16:35

Universitetin Politeknik i Bukureshtit në Rumani pritet të testojë një sistem që mund të parashik

Postuar: 25/11/2019 - 09:03

NASA ka vërejtur një efekt të çuditshëm gjatë fluturimit në hapësirë.

Postuar: 22/11/2019 - 22:25

Themeluesi i Telegramit, Pavel Durov ka bërë një deklaratë të fortë për rrjetin gjigant të mesazh