Tifozët e skuadrës tonë kombëtare që fluturuan sot drejt Gjermanisë për të mbështetur Shqipërinë në Euro2024, u përcollen me një atmosferë festive nga Aeroporti Ndërkombëtar i Tiranës.
Me ngjyrat e flamurit kuq e zi, me një performancë nga këngëtarët Klajdi Haruni & Bruno, dhe me një entuziazëm të jashtëzakonshëm, tifozët dhe pasasgjerët që udhëtonin në destinacione të ndryshme festuan së bashku. Festa ishte e mbushur me emocione, duke shënuar një fillim të paharrueshëm për rrugëtimin e Shqipërisë në këtë kampionat të rëndësishëm evropian.
Nga Aeroporti i Tiranës në stadiumet anembanë Evropës, jehona e krenarisë shqiptare do të tingëllojë duke i kujtuar botës lidhjen e pathyeshme mes një skuadre dhe tifozëve të saj të përkushtuar.
![](https://test3.sot.com.al/wp-content/uploads/2024/06/ed1218ffdfd7b1efcf0c649a7283c8b4.jpeg)
![](https://test3.sot.com.al/wp-content/uploads/2024/06/ea9c23c72d4287397ef2939817f46a57.jpeg)
![](https://test3.sot.com.al/wp-content/uploads/2024/06/f2ea303a9472c442e358ca30034a8347.jpeg)
![](https://test3.sot.com.al/wp-content/uploads/2024/06/11d62487aefa0530d8280c36fc8524be.jpeg)
![](https://test3.sot.com.al/wp-content/uploads/2024/06/14003e6b535762366dd06514df63c182.jpeg)
![](https://test3.sot.com.al/wp-content/uploads/2024/06/ed1218ffdfd7b1efcf0c649a7283c8b4.jpeg)
![](https://test3.sot.com.al/wp-content/uploads/2024/06/ea9c23c72d4287397ef2939817f46a57.jpeg)
Shtëpia më e madhe e futbollit, UEFA bashkë me autoritetet gjermane po përgatiten për mbi 50 mijë tifozë shqiptarë që të marrin pjesë në ndeshjen e parë të Shqipërisë në EURO 2024 kundër Italisë në Dortmund.
Sipas burimeve të ky është kontingjenti më i madh udhëtues i çdo kombëtareje tjetër, përveç vendit pritës, që është Gjermania.
Ndeshja në mes Shqipërisë dhe Italisë do të luhet në Signal Iduna Park i cili është stadiumi i Borussia Dortmundit, i cili ka një kapacitet prej 82 mijë vendesh, por stadiumi do të ketë një kapacitet të reduktuar në 62 mijë.
Shumë banorë shqiptarë në Gjermani kanë blerë biletat për paraqitjen e parë të Shqipërisë në Kampionatin Evropian, ndërsa kampionia e Evropës në fuqi, Italia pritet të mbështetet nga më pak se 10 mijë tifozë për shkak të shumicës dërrmuese të biletave të blera nga tifozët shqiptarë.