Një koncert special i duos italiane "Musica Nuda" erdhi në mbrëmë në skenën e Teatrit të Operas. Në prag të festës Kombëtare të Italisë, publiku i kryeqytetit pati rastin të shijojë një revolucion të vërtetë muzikor të krijuar nga dy artistët Petra Magoni dhe Ferrucio Spinetti. I mundësuar nga Instituti Italian i Kulturës, koncerti përcolli muzikën xhaz, pop, apo soul, vetëm nëpërmjet zërit të artistes dhe kontrabasit. “Ne marim muzikën, këngët dhe e zhveshim atë nga të gjithë elementët e tjerë instrumental. Muzika jonë përbehet vetëm nga zëri i Petras dhe kontrabasi im. Ne këtë e quajmë muzikë moderne", u shpreh Ferruçio Spinetti- kontrabas. “Musica Nuda” është një duo e krijuar në vitin 2003 nga një rastësi. Tashmë të dy artistët performojnë koncertet e tyre në shumë skena të Italisë, por edhe botës. E veçanta e këtij grupi është se muzika vjen e vërtetë, gati intime dhe ka aftësinë të depërtojë në një mënyrë shumë të gjallë tek publiku. Koncerti "Musica Nuda" i cili vjen për herë të parë në Tiranë, është një nga ngjarjet më të rëndësishme të aktiviteteve kulturore italiane në Shqipëri.
Të gjithë prisnin këngën, Ylli dhe Dhurata surprizojnë kështu fansat
“A ki sy me pa që zemra do me m’plas”- është kjo fjalia që çdo kush e këndon në çdo...
Lexo më shumë