Të rinjtë po orientohen gjithnjë e më shumë drejt aktivitetit në agroturizëm, si segment i rëndësishëm i turizmit, që ka marrë një rritje të shpejtë vitet e fundit. Ministrja e Bujqësisë dhe Zhvillimit Rural, Anila Denaj solli shembullin e një kantine në Koplik, ku kultivohen vreshta e prodhohet verë cilësore. Luan Hysa nga Kopliku, kujdeset për kantinën familjare të ngritur që në vitin 2004, ku kultivon vreshta për prodhimin e verërave të ndryshme që ofrohen si shërbim degustimi që vizitorët vendas e të huaj të kenë një eksperiencë unike dhe sa më pranë produkteve Made in Albania. “Agroturizëm Kantina Kopliku ofron dhe një eksperiencë agroturizmi autentike, ku prodhojnë 90% të produkteve që ofrojnë si mishi, djathi etj”, tha Denaj. “Ministria e Bujqësisë dhe Zhvillimit Rural mbështet të rinjtë e angazhuar në sipërmarrje të tilla që ruajnë trashëgiminë familjare duke kontribuar në zhvillimin e qëndrueshëm të prodhimit bujqësor dhe rritjen e rendimentit në këtë sektor”, u shpreh ministrja.
“Nuk mban më ujë pilafi”/ ‘Shpërthen’ Luizi: Ku mund ta gjej këtë njeri
Luiz Ejlli është një nga personazhet më të komentuar të momentit. Edhe pse kaloi kohë nga edicioni i “BBV” ku...
Lexo më shumë