Mbrëmja poetike “Çdo unazë më del nga gishtat” erdhi me krijimtarinë të autoreve gra e vajza të trojeve shqiptare. Qendra për Hapje dhe Dialog shprehet se ajo erdhi me aq muzikalitet si ndërthurje e interpretimit të aktorëve të mirënjohur Ndriçim Xhepa dhe Kristaq Skrami, shoqëruar nën tingujt e kompozitorit Aulon Naçi në piano. “Poezia ka një aftësi unike për të nxitur emocionet tona, për të sfiduar perceptimet dhe për të na sjellë më pranë njëri-tjetrit. Publiku artdashës u zhyt në një botë ku gjuha shqipe kërceu në skajin e imagjinatës me pjesë nga krijimtaria e: Natasha Lako, Rita Petro, Flutura Açka, Luljeta Lleshanaku, Ledia Dushi, Mimoza Ahmeti, por edhe Flora Brovima nga Kosova, Lindita Ahmeti nga Maqedonia e Veriut, e Lumnije Hoxha nga Mali i Zi, etj”, thuhet nga Qendra për Hapje dhe Dialog për këtë mbrëmje që u zhvillua në hapësirat e saj më 27 qershor në bashkëpunim me artisten Rozeta Feri. Kjo mbrëmje që u zhvillua në COD vjen në vijim dhe të tjerë aktiviteteve që janë zhvilluar gjatë kësaj kohe, e mes tyre nuk kanë munguar dhe ato që i janë kushtuar librit dhe krijimtarisë së autorëve të ndryshëm. Qendra për Hapje dhe Dialog- COD pranë kryeministrisë u hap për herë të parë për publikun në korrik të vitit 2015. Qendra për Hapje dhe Dialog- COD ka disa hapësira dhe secila prej tyre funksionon në bazë të një kalendari, ku zhvillohen ekspozita, prezantime librash, bashkëbisedime dhe ceremoni protokollare, projeksione filmash, forume diskutimesh, etj.
Moderatorja e njohur bën deklaratën e papritur: Më është rritur barku këto kohë…
E ftuar në një emision televiziv mbrëmjen e sotme ka qenë moderatorja e njohur Argjira Spanca. Gjatë bisedës së saj...
Lexo më shumë