Ekzekutimi i 36-vjeçarit shqiptar që tronditi Italinë/ Hetuesit tregojnë dinamikën e krimit të rëndë. Zbulohet e shkuara e errët e viktimës, para 8 vitesh në Shqipëri vrau…

Mediat italiane kanë zbardhur detaje të reja nga ekzekutimi i një 36-vjeçari shqiptar mbrëmjen e të enjtes në Piza të Italisë. Sipas tyre, ka pasur një përplasje mes një grupi shqiptarësh e cila solli dhe vrasjen.

Mediat italiane shkruajnë se viktima, emrin e të cilit nuk e kanë bërë ende me dije, tetë vite më parë ka kryer një vrasje në Shqipëri, ngjarje per te cilen ka kryer dhe disa vite burg.

Pas lirimit, ai u zhvendos në Toskana të Italisë dhe banonte në provincën e Sienës.Sipas të dhënave, viktima kishte precedentë penalë në fushën e prostitucionit.

Hetuesit kanë arritur të rindertojne paraprakisht dinamiken e krimit. Mesohet se shqiptari ndodhej në një makinë ku po udhëtonte me shpejtësi shumë të ulët, kur dy burra iu afruan automjetit. Në atë moment vrasësit kanë qëlluar disa herë ndaj shënjestrës së tyre.

Sipas të dhënave të para, ende të pakonfirmuara, autorët e kësaj ngjarjeje dyshohet të jenë dy.