Pas vendimit për Fatmir Mediun në GJKKO, reagon menjëherë Zamira Durda

Është shtyrë seanca për ish-ministrin Fatmir Mediu, i cili akuzohet për ngjarjen e Gërdecit ku humbën jetën 26 persona. Seanca e cila ka nisur prej orës 14:00, pritej që të përcaktonte nisjen ose jo të shqyrtimit të dosjes.

Tashmë seanca do të mbahet më  4 prill të këtij viti.Ndërkohë familja Durdaj është irrituar pasi Gjykata vendosi të pyes palët nëse do të thirren të jenë pjesë e procesit.

Zamira Durda, nëna e djalit 7 vjeçar që humbi djalin në tragjedinë e Gërdecit u shpreh: Kemi bërë kërkesë por nuk na thirrën. Nuk e di se çfarë vendimi morën sepse n uk ishim.  Ne jemi kërkues të hapjes së çështjes Gërdeci.

SPAK ka dërguar për gjykim ish ministrin e Mbrojtjes, Fatmir Mediu, i cili akuzohet se në lidhje me procesin e çmilitarizimit dhe çmontimit të municioneve që është zhvilluar në ambientet e ish “Brigatës së Tankeve”, në fshatin Gërdec, në bashkëpunim me funksionarë të tjerë të Ministrisë së Mbrojtjes si dhe persona që kanë pasur cilësinë e ushtarakut kuadër komandues, ka nxjerrë disa akte nënligjore në kundërshtim me ligjin.