Koleksionisti dhe studiuesi, Eros Hoxha, ka dalë së fundmi me disa teori që i kanë habitur të gjithë shqiptarët. Sipas Hoxhës, legjenda e krijuar që perandoria Osmane ndaloi Ismail Qemalin të shkonte në Vlorë nuk është e vërtet.
“Austro-hungarezet ndihmuan Shqipërinë dhe kjo s’është e vërtet. Austro-hungarezëve ju interesonte vetëm veriu katolik.
Europa e copëtoi Shqipërinë nuk e ndihmoj në 1912. Janina në 1912 u shit ishte marrëveshje e para disa viteve mes Ismail Qemalit dhe grekëve”, ka thënë Hoxha, duke iu referuar një telegrami.
Sipas studiuesit, Më pas Ismaili u helmua prej italianëve pikërisht sepse donin Vlorën dhe rrethinat e saj.
Është nënshkruar dhe një deklaratë e dytë pavarësie në Durrës por Erosi eshte duke hulumtuar për ketë gjë.
Hoxha ishte sot në një lidhje “Skype” me emisionin “Shqipëria Live” në Top Channel, ku u shpreh se sipas disa dokumenteve, një telegram që i është dërguar Janinës dhe më pas Vlorës, ku thuhet Ismail Qemali nuk do ndalohet, por do të ndihmohet.
“Kjo do të thotë se Perandoria Osmane jo vetëm që nuk e ndaloi, por e ndihmoi atë. Telegrami ishte për qeverinë e tyre. Të gjithë zyrtarët punonin për Perandorinë Osmane. Porta e Lartë dërgonte letrën, Janina e pyeste çfarë duhet të bëjmë dhe ajo u përgjigj ‘nuk do ndalohet, por do ndihmohet të bëjë qëllimin që kishte’”, tha studiuesi.
Ky i fundit u shpreh se Porta e Lartë kishte vite që bënte Luftën Ballkanike dhe e pa që po humbiste.
“Porta e Lartë e pa që mënyra më e mirë ishte të bashkëpunonte me popullin shqiptar që të merrte vendet e saj. E gjitha është politike dhe gjeopolitike. Shumë shtete që ishin në marrëveshje me njëra-tjetrën donin të fitonin si politikisht ashtu edhe gjeopoilitiksht”, tha Hoxha.
Ai shtoi se ky telegram është bërë i njohur pas viteve 1990 dhe kopja origjinale ndodhet në Stamboll.
“Kopja origjinale është në Stamboll, ka ardhur si telegram në Shqipëri, duhet ta ketë Arkivi i Shtetit”, u shpreh studiuesi.