E preferuara e SHBA, ja kush është kandidatja që mund të drejtojë NATO-n pas Jens Stoltenberg

Kryeministrja daneze Mette Frederiksen është listuar si një nga pretendentet favorite për të udhëhequr NATO-n pas një ftese për të vizituar Shtëpinë e Bardhë. Uashingtoni njoftoi se presidenti Joe Biden do të presë Frederiksen gjithashtu muajin e ardhshëm, duke nxitur dyshimet se SHBA do të mbështesë kandidaturën e lideres daneze për kreun e NATO-s, i cili tradicionalisht ka qenë “post i europianëve”, por kërkon bekimin e Uashingtonit. Sekretari aktual i përgjithshëm, Jens Stoltenberg, do të largohet nga posti në fund të shtatorit, megjithëse është e mundur që ai të qëndrojë edhe për disa muaj të tjerë nëse udhëheqësit e aleancës nuk mund të bien dakord për një zëvendësim. Udhëheqësi danez duket se plotëson disa kushte. Aleatët po kërkojnë një politikan që ka mbajtur postin e kreut të një qeverie dhe duke qenë se të gjithë shefat e mëparshëm të NATO-s kanë qenë burra, këtë herë preferohet një kandidate femër. Në të njëjtën kohë, Danimarka shihet si një vend “i ekuilibruar” brenda aleancës, një mbështetëse e fortë e Ukrainës, por megjithatë jo aq e ashpër sa disa vende në krahun lindor. Danimarka e ka mbajtur edhe më herët këtë post, pasi ish-kryeministri danez Anders Fogh Rasmussen ishte sekretar i përgjithshëm i NATO-s midis vitit 2009 dhe 2014.  “Jo të gjithë aleatët mund të jenë të lumtur të shohin një kandidat tjetër nga një vend nordik,” tha një diplomati europiano-perëndimor. Danimarka gjithashtu ka mbetur prapa në shpenzimet e saj të mbrojtjes, një çështje që mund të shqetësojë disa kryeqytete europiane. Vetë kryeministrja daneze ka këmbëngulur majin e kaluar se ajo nuk është kandidate, megjithatë kjo mund të vendoset në samitin e Vilnius në muajin korrik.