Covid-19/ Pas protestave masive, Kina merr vendimin e papritur

Letësohen masat kundë Covid-19 në Kinë edhe pse numri i rasteve rritet në nivelet e tyre më të larta. Karantina për kontakte të ngushta do të shkurtohet nga shtatë ditë në një institucion shtetëror në pesë ditë dhe tre ditë në shtëpi.

Zyrtarët gjithashtu kanë bërë me dije se shumë njerëz do të shmangin karantinimin. Lehtësimi vjen disa javë pasi Xi Jinping u rikthye si lider i partisë për një mandat të tretë historik. Xi mbajti takimin e tij të parë Covid me Komitetin e Përhershëm të sapozgjedhur.

Dhjetëra rrethe në Shangai dhe Guangzhou, u liruan nga masat e bllokimit të enjten, ndërsa kjo vjen në situatën ku Kina po përballet me protesta masive kundër politikës së saj zero-Covid.

“Vendi po përballet me një situatë të re dhe detyra të reja në parandalimin dhe kontrollin e epidemisë, pasi patogjeni i virusit Omicron dobësohet, më shumë njerëz janë vaksinuar dhe është grumbulluar përvoja në kontrollimin e virusit”, tha Sun Chunlan, zëvendëskryeministri i vendit, raportojnë mediat e huaja.

Politika e Kinës për zero Covid ka shpëtuar jetë në vendin me 1.4 miliardë njerëz, por gjithashtu ka dhënë një goditje ndëshkuese për ekonominë dhe jetën e njerëzve të zakonshëm.

Ka një lodhje publike në rritje për bllokimet dhe kufizimet e udhëtimit. Histori vuajtjesh dhe dëshpërimi kanë qarkulluar edhe në rrjetet sociale, duke nxitur shumë shpërthime zemërimi qytetar.