Qatargate, thellohet SKANDALI në Bruksel/ Udhëtoi falas, zyrtari i lartë i Transportit në BE pritet të marrë vendimin drastik

Zyrtari më i lartë i transportit të Komisionit Europian pritet të japë dorëheqjen pas skandalit se kishte udhëtuar falas në Katar, ndërsa ekipi i tij po negocionte një marrëveshje të aviacionit me shtetin e Gjirit.

Henrik Hololei, drejtor i përgjithshëm i departamentit të transportit të Komisionit Europian, po përballet me një hetim të brendshëm.

Sipas dy personave të brendshëm të Komisionit dhe një personi tjetër të njohur me këtë çështje, i cili kërkoi të mbetet anonim për shkak të ndjeshmërisë së çështjes, Hololei do të japë dorëheqjen si drejtor i përgjithshëm i departamentit të transportit dhe do të bëhet këshilltar politik në departamentin përgjegjës të Komisionit të partneriteteve ndërkombëtare.

Një zëdhënës i Komisionit tha se Hololei do të merrte deryrë e re më 1 prill.

POLITICO zbuloi një muaj më parë se Hololei fluturoi pa pagesë me Qatar Airways nëntë herë midis 2015 dhe 2021. Gjashtë nga fluturimet pa pagesë ndodhën gjatë përgatitjes së marrëveshjes për aksesin në treg ndërmjet BE-së dhe Dohas, dhe katër prej tyre u paguan nga qeveria e Katarit ose një grup me lidhje me Katarin.

Zbulimet e menjëhershme shkaktuan një stuhi kritikash, thirrje për një hetim dhe kërkesa për rishikim të rregullave. Komisioni fillimisht këmbënguli që Hololei nuk kishte thyer asnjë rregull, por më pas shtrëngoi të njëjtat rregulla për t’u siguruar që sjellja e tij mos të përsëritej në të ardhmen.

Ngjarja vjen në një kohë shumë të ndjeshme për BE-në. Institucionet e Brukselit tashmë po luftojnë për të shpëtuar reputacionin e tyre mes një skandali korrupsioni që përfshin pretendimet se Katari dhe qeveri të tjera të huaja kanë paguar eurodeputetë dhe të tjerë.