Shkencëtarët kinezë klonojnë me sukses 3 “super lopë”, prodhojnë mbi 100 tonë qumësht gjatë jetës së tyre

Shkencëtarët kinezë arrijnë sukses në industrinë e qumështit. Ata kanë klonuar me sukses tre “super lopë” që mund të prodhojnë plot 100 tonë qumësht gjatë gjithë jetës së tyre. Falë këtij klonimi reduktohet varësia nga racat e importuara. Tre viçat kanë lindur në rajonin Ningxiamë 23 janar. Ata u klonuan nga lopë shumë produktive nga raca Holstein Friesian, e cila e kishte origjinën në Holandë. Kafshët e zgjedhura janë të afta të prodhojnë 18 tonë qumësht në vit, ose 100 tonë qumësht gjatë jetës së tyre .I pari nga viçat e klonuar lindi më 30 dhjetor me prerje cezariane për shkak të madhësisë së tij relativisht të madhe prej 56.7 kilogramësh. Shkencëtarët bënë 120 embrione të klonuara nga qelizat e veshit të lopëve shumë produktive dhe i vendosën në lopë zëvendësuese. JinYaping, shkencëtari kryesor i projektit, e quajti lindjen e “super lopëve” një përparim që i lejon Kinës të ruajë lopët më të mira në një mënyrë ekonomikisht të mundshme. Vetëm pesë në 10,000 lopë në Kinë mund të prodhojnë 100 tonë qumësht gjatë jetës së tyre, duke i bërë ato një burim të vlefshëm për mbarështim. Rreth 70% e lopëve qumështore të Kinës importohen nga jashtë. Në shumë vende, duke përfshirë Shtetet e Bashkuara, fermerët mbarështojnë klone me kafshë konvencionale për të shtuar tipare të dëshirueshme, të tilla si prodhimi i lartë i qumështit ose rezistenca ndaj sëmundjeve. Kina ka bërë përparim të rëndësishëm në klonimin e kafshëve vitet e fundit. Vitin e kaluar, një kompani kineze e klonimit të kafshëve krijoi ujkun e parë të klonuar të Arktikut në botë. Në vitin 2017, shkencëtarët kinezë thanë se ata prodhuan bagëti të klonuara me rezistencë të shtuar ndaj tuberkulozit të gjedhit, një rrezik për bagëtinë në shumë vende.