Tre vjet pas alarmit dhe shpalljes si pandemi, OBSH del me thirrjen e fortë për COVID-19: Ende një emergjencë

Tre vjet pasi Organizata Botërore e Shëndetësisë shpall Covid-19 si pandemi deklaron se ende jemi në gjendje emergjence globale dhe duhet të jemi të kujdesshëm. Këtë të hënë, shefi i OBSH-së, Tedros Adhanom Ghereyesus tha se pritet të ketë një ulje të numrit të rasteve pozitive me covid-19 si dhe më pak raste tragjike në verë, por përsëri jemi të rrezikuar. Komiteti i urgjencës i Agjencisë së Shëndetit të OKB-së për COVID-19 u takua të premten e kaluar për herë të 14-të që nga fillimi i krizës.

Pas atij takimi, shefi i OBSH-së Tedros Adhanom Ghebreyesus "pajtohet me këshillat e ofruara nga komiteti në lidhje me pandeminë e vazhdueshme COVID-19 dhe përcakton se ngjarja vazhdon të përbëjë një emergjencë të shëndetit publik me shqetësim ndërkombëtar (PHEIC). Tedros, tha se "pranon pikëpamjet e komitetit se pandemia COVID-19 është ndoshta në një pikë tranzicioni dhe vlerëson këshillën e komitetit për të lundruar me kujdes këtë tranzicion dhe për të zbutur pasojat e mundshme negative."

Edhe para takimit, shefi i OBSH-së kishte sugjeruar se faza e urgjencës së pandemisë nuk ka mbaruar, duke vënë në dukje numrin në rritje të vdekjeve dhe duke paralajmëruar se përgjigja globale ndaj krizës "mbetet e penguar".

“Ndërsa hymë në vitin e katërt të pandemisë, sigurisht që jemi në një pozicion shumë më të mirë tani se sa një vit më parë, kur vala e Omicron ishte në kulmin e saj dhe më shumë se 70,000 vdekje raportoheshin në OBSH çdo javë.” i tha ai komisionit në fillim të takimit të së premtes.

Tedros tha se shkalla javore e vdekjeve kishte rënë nën 10,000 në tetor, por ishte rritur përsëri që nga fillimi i dhjetorit, ndërsa heqja e kufizimeve të COVID-19 në Kinë kishte çuar në një rritje të vdekjeve. Në mesin e janarit, u raportuan pothuajse 40,000 vdekje javore nga COVID-19 - më shumë se gjysma e tyre në Kinë - ndërsa numri i vërtetë "është sigurisht shumë më i lartë", tha ai.