Bujqësia shqiptare do të përfitojë nga përvoja turke në modelin e sigurimit në bujqësi. Kështu u shpreh, ministrja e Bujqësisë dhe Zhvillimit Rural, Anila Denaj, pas nënshkrimit të memorandumit të mirëkuptimit mes dy vendeve në fushën e Bujqësisë, në Ankara, ku ishte pjesë e delegacionit shqiptar të kryesuar nga Kryeministri Edi Rama, në takimin e Këshillit Strategjik të Nivelit të Lartë mes dy qeverive. “Modeli i sigurimit në bujqësi, është një projekt i cili do të gjejë bashkëpunim të mëtejshëm me qeverinë turke, për një bujqësi më të fortë përballë vështirësive klimatike dhe për të lehtësuar aksesin në financë për sigurimin e prodhimit bujqësor për fermerët tanë. Ne do të vijojmë punën për forcimin e marrëdhënieve të shkëlqyera tregtare Shqipëri-Turqi, dhe rritjen e eksporteve bujqësore made in Albania drejt tregjeve të Turqisë”, deklaroi ministrja e Bujqësisë dhe Zhvillimit Rural, Anila Denaj.
Puthja e shumëpërfolur/ Sa lekë mori Sara Hoxha për puthjen me Roerd Toçen, flet aktori
Aktori i njohur i filmit “Në Kuadër të Dashurisë”, Roerd Toçe ishte i ftuar mbrëmjen e kaluar në “Top Arena”....
Lexo më shumë