Rënia e Euro tronditi tregun, qeveria rendit arsyet

Rënia e euros ka tronditur tregun duke prekur shumë biznese. Megjithatë, qeveria shikon anën e saj pozitive. Ministrja e Financave dhe Ekonomisë, Delina Ibrahimaj në një konferencë për mediat u shpreh se rënia e euros ka ulur borxhin.

“Në tremujorin e parë, borxhi ndaj PBB ishte 63.27% të PBB nga 64.58% që ishte në fund të vitit 2022. Sipas strukturës, pesha më e madhe është në borxhin e jashtëm. Këtu dua theksoj dhe peshën e kursit të këmbimit. Borxhi është i identifikuar dhe marrë në euro. Kursi i euros ka sjell dhe një rënie të borxhit publik”, tha më tej ministrja.

Ibrahimaj foli edhe për rritje në sektorin e ndërtimit, prodhimit, transportit dhe tregtisë. Sipas saj, sektori i shërbimeve zë peshën më të madhe në qarkullim. Ajo vuri në dukje se ka pasur një rritje të punësimit në sektorin e ndërtimit, dhe rënie në sektorin e shërbimit.