“PUNË KA POR NUK KA SPECIALISTË” (ER)…. Mbas 29 Nëntorit 1944 Pusht-Shteti i kohës “inatin kryesor” e kish me ato pak të arsimuar dhe iluminuar, në shkollat më të mira të Evropit dhe të Amerikës që vëndi i trashëgoj pas LIIB, sepse dija, kultura, atdhetaria dhe idetë e tyre demokratike, u bënin hije jo pak atyre që lanë krrabën e bariut dhe vunë mbi supe spaletat e pusht-shtetit… Edhe pas 31.03.1991 Pusht-shteti demon-kratik “inatin kryesor”, po me “këtë sërë të emancipuar dhe të mirëarsimuar të shoqërisë sonë e kishte inatin”….. Me Ligjin famë dhe bërëskeq të 24/1, u hoqën nga puna dhe u hodhën në rrugë të madhe qindra e mijra specialistë nga të gjitha fushat socio-ekonomike të vëndit, për tu zëvëndësuar me militantë partiakë mediokër që edhe ata në shumicë, si dikur pas 29.11.1944 ishin periferikë dhe jo cilësisht të mirëshkolluar…RILINDASIT E VËRTETË dhe jo këta të vetshpallur të tillë, kredo për zhvillimin thelbësor dhe të qëndrueshëm kishin: “DHE DRITË E DITURISË PËRPARA DO NA SHPJERË”…. PIKËRISHT ME DIJESHUMËT, të gjithë Pusht-Shtetarët e Shqipërisë që pas shpalljes së Mëvehtësisë së saj, “e kanë patur dhe vijojnë ta kenë inatin”, dhe shumicës së tyre ndërkohë u kanë ofruar: 1- thejqafjen larg “tokës ku u kishte lerë koka”, 2- heshtjen vrastare konformiste për të mbijetuar, 3- nënvlerësimin e aftësive dhe mundësive të tyre dobiprurëse për zhvillimet socio-ekonomiko-politike të vendit, 4- militantizmin e verbër partiak për tu evidentuar dhe prosperuar në stanin e saj, të kontrolluar nga kryebariu/kryetari i partisë, 5- mos njohjen e dijeve dhe të kualifikimeve të përftuara me mund e djersë në Universitet më të mira të kohës, 6- lënien e tyre në hije “për të lartësuar” në sytë e publikut individë “gjysmakë” në aftësitë e tyre socio-profesionale dhe shkencore, pa permëndur ata/ato që e kishin shitur shpirtin në bashkëpunimin me sigurimin ose shikun, mjaftdëmprurës për mjedisin shoqëror, 7- në zbehjen graduale të figurave të individëve të plotëvlertë e mëmëdhedashës, për të ngritur e lartësuar ata të pak vlertë, përkohësisht jo pak dobiprurëse për ta, POR që rezultojnë rrënuese afatgjatë për ecurinë faktorizuese dhe mbrothësuese të vetë vendit. POLITIKA të tilla sollën këto momente jo frutdhënëse për ecurinë e vëndit, kur tash ne po duam të plotësojmë boshllëkun e specialistëve tanë të mirëshkolluar e mirëformuar e të thjeqafosur, me mijra të tjerë kryesisht jo shqipfolës të cilët po i kërkojmë andej tutje përtej deteve e oqeaneve….. TË DITURIT dhe PUNËDASHËSIT janë një pasuri e madhe kombëtare…. KURRË NUKU ËSHTË VONË për të korigjuar gabimet e bëra, por jo duke vijuar së vlersuari “kristalistët”, “vitrinistët”, militantët, patronazhistët apo mediokrit të mveshur me qyrkun e servilit partiak, qofshin këta të majtë apo të djathtë…..
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë