“Je pak idiote ti”, urimi i veçantë i Einxhel për ditëlindjen e Semit, ja raporti mes tyre

Semi Jaupaj feston sot ditëlindjen dhe moderatorja Einxhel Shkira zgjodhi disa fjalë të ëmbla për ta uruar. Einxhel ka shoqëruar fjalët me një video të shkëputur nga “Big Brother VIP”, ku këngëtarja i drejtohet asaj “Je pak idiote ti.” Asokohe, ky moment u bë menjëherë viral në rrjet.

“Gëzuar ditëlindjen njërës nga peshoret e mia të preferuara. Jam e lumtur që kisha mundësinë të njihja një shpirt si tëndin, kaotik njëkohësisht të bukur dhe mahnitës. Më mungojnë ditët tona bashkë por e di që jemi të zëna duke ndjekur ëndrrat dhe duke ëndërruar përsëri.

Të uroj të gjithë të mirat dhe të dua shumë. Hey Semi u bëfsh 100 vjeçe”, ka shkruar ajo. Kujtojmë që dyshja e njohur krijuan një raport të mirë kur ishin brenda shtëpisë së “Big Brother VIP”.