“Tensione, ofendime e kërcënime”/ Shpërthen Elida Rudi e nuk ua përton banorëve të BBVK, iu dërgon me dy fjalë mesazhin epik

Moderatorja e “Post Big Brother VIP Kosova” Elita Rudi pas përfundimit të garës ka reaguar me dy fjalë ndaj sjelljes së banorëve që ka lënë shumë për të dëshiruar tek ajo.

Pas përfundimit të "Big Brother VIP Kosova" banorët u takuan në "Post Big Brother VIP" me moderatore Elita Rudin. Mirëpo ky takim nuk shkoi dhe aq mirë pasi disa ish-banorë patën debate të ashpra me njëri-tjetrin duke kaluar dhe në ofendime.

Në lidhje me këtë situatë ka reaguar së fundmi Elita me anë të një postimi në rrjete sociale. Moderatorja ka shkruar se dhe pse ajo e bëri shumë mirë punën e saj, në studio kishte shumë ofendime, kërcënime dhe që vihej në pikëpyetje funksioni i gjithë produksionit.

"Përshëndetje, ka ardhur koha me i thënë dy fjalë pas bujës që la “Post Big Brother”. Unë jam shumë rehat me mënyrën sesi e ka superuar programin, dinamikat dhe gjithë të tjerat që kanë ndodhur në atë program të gjatë dhe me tension. Ndoshta kam reaguar edhe ashpër, por jo me cinizëm, ndoshta e kam ngritur zërin, por jo pa arsye, ndoshta kam kundërshtuar, por jo pa argument, kam ngel edhe pa fjalë, ama veç nga paedukata dhe sjellja e devijuar. Si do ta menaxhoja ndryshe një studio me shumë frustrim, tensione, ofendime, kërcënime, ku vihej në pikëpyetje funksioni i një produksioni të tërë? Ta dini, ky format është sfidues. Shihemi shpejtë në projekte që sjellin më tepër pozitivitet, frymë dhe energji të mirë", ka shkruar Elita.