Festivali “Aulona Inter Folk Festival” prej vitesh është bërë pjesë e jetës artistike në Vlorë dhe këtë vit mbërrin në edicionin e 16-të. Drejtoria Rajonale e Trashëgimisë Kulturore Vlorë shprehet se aktiviteti shenjues i përvitshëm për promovimin e vlerave dhe kulturave kombëtare, evropiane e më gjerë, vjen për të 16-in vit radhazi në qytetin mikpritës të Vlorës, me grupe nga Shqipëria, Kosova, Maqedonia e Veriut, Rumania, Hungaria, Italia, Greqia dhe Ukraina. “Për të treguar edhe një herë, se instalimi i një aktiviteti të tillë me karakter kulturor e turistik, ka qenë një ide e duhur dhe e nevojshme jo vetëm për qytetin bregdetar të Vlorës por edhe për hapësirën kulturore mbarë shqiptare. DRTK – Vlorë ju fton të shijoni momentet festive të festivalit mbarëkombëtar, i cili do të mbahet në datat 24-27 maj në ambientet e stadiumit “Flamurtari”, me mbështetjen kryesore të Bashkisë Vlorë, si dhe të Ministrisë së Ekonomisë, Kulturës dhe Inovacionit”, thuhet nga DRTK Vlorë. Po sipas DRTK Vlorë është edhe këndi i trashëgimisë kulturore jo-materiale, që i bashkohet festivalit “Aulona Inter Folk Festival”. “Përmes zejesh, punimeve artizanale dhe melodisë popullore me këngë e valle, plotësohet tabloja e larmitetit kulturor, i cili sjell plot ngjyra, ritme, tinguj dhe energji të reja, në rrugët e qytetit tonë”, thuhet nga DRTK Vlorë në faqen e saj. Në maj të vitit 2023 në qytetin bregdetar të Vlorës u zhvillua edicioni i 15-të i “Aulona Inter Folk Festival”. Edhe një vit më parë ky festival me drejtor Sejmen Gjokoli njëkohësisht dhe drejtues i qendrës kulturore “Aulona” bëri bashkë në qytetin bregdetar, grupe dhe ansamble folklorike, nga shumë shtete të Ballkanit dhe Evropës. Kupa e edicionit të 15-të shkoi për ansamblet “Dibrova” e “Gorytsvit” të qytetit Lviv (Ukrainë).
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë