Produksioni i ri i operës “Madama Butterfly” vepër e kompozonit Giacomo Puccini me libret nga Luigi Illica dhe Giuseppe Giacosa do të vijë në skenë për pesë mbrëmje për publikun në Teatrin Kombëtar të Operës dhe Baletit në datat 26, 27, 28, 30 maj dhe 1 qershor. Por TKOB ka ndarë materiale mbi historinë e “Madama Butterfly” të skenës shqiptare. Në vitin 1961 roli kryesor i Cio Cio San (Madama Butterfly) në kryeveprën e Puccini-t u interpretua nga sopranoja Gjyzepina Kosturi e më pas nga Nina Mula, që edhe sot mbajnë “trofeun” e Madama Butterfly të para. Në vitin 2003 pas 42 vjetësh e rikthejnë në skenën e TKOB, sopranoja Marjana Leka, e cila e shënjon këtë rol në listën e gjatë të karrierës së saj 33-vjeçare. “Në po të njëjtin produksion, Eva Golemi dhe Sonila Baboçi ndërrojnë rolin në net të ndryshme”, thuhet nga TKOB. Në vitet 2007 dhe 2016 solistja e parë e TKOB me më shumë role të interpretuara në historinë e operës shqiptare, sopranoja Eva Golemi, interpreton Cio Cio San në produksionin e ri të “Madama Butterfly”. Në vitin 2014 sopranoja Ermonela Jaho rikthehet në Shqipëri për të interpretuar mjeshtërisht primadonën në veprën e Puccini-t. ““Sopranoja më e vlerësuar në botë”, sipas “The Economist”, renditi interpretimin e saj në historinë e sopranove që e kanë debutuar “Madama Butterfly” në skenën tonë”, thuhet nga TKOB. Në vitin 2024, Anna Pirozzi, sopranoja italiane me famë ndërkombëtare, e cilësuar si “sopranoja dramatike më e kërkuar e skenave ndërkombëtare”, debuton në skenën shqiptare për herë të parë në karrierën e saj rolin e Cio Cio San.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë