Parku arkeologjik i Antigonesë mund të konsiderohet si një nga pikat më interesante turistike të zonës së Gjirokastrës. Parku arkeologjik po bëhet gati për sezonin turistik dhe ministrja e Kulturës Elva Margariti shprehet se këto ditë punonjësit e Drejtorisë Rajonale të Trashëgimisë Kulturore Gjirokastër po kryejnë punime të ndryshme. “Antigonea po bëhet gati për sezonin turistik. Punonjësit e DRTK Gjirokastër po punojnë për të mirëpritur vizitorët. Gjatë kësaj jave është punuar për sistemimin e mureve të kishës së shek. IX në Agora; shëtitores, rrugës kryesore dhe ato dytësore të parkut arkeologjik”, shprehet ministrja e Kulturës Margariti në rrjete sociale ku ka ndarë dhe disa foto nga puna që po bëhet në këtë park këtë kohë. Antigonea është një nga qytetet antike më të mëdha të territorit të Shqipërisë dhe vendbanimi më i rëndësishëm antik i luginës së Drinosit. Vendbanimi brenda mureve fortifikuese të shek. III ka një sipërfaqe prej 45 ha, ndërsa territori i parkut arkeologjik është mbi 90 ha. Mbi vendndodhjen e Antigonesë ka pasur hipoteza të ndryshme deri sa kërkimet arkeologjike të viteve ‘70 dhanë dëshmi të sigurta për këtë. Emrin qyteti e ka marrë nga Antigona, gruaja e parë e mbretit Pirro. Qyteti fortifikohet me mure të fuqishme në fillim të shek. III para Krishtit, ndërsa nuk përjashtohet që në atë vend të ketë pasur një vendbanim më të hershëm të riemëruar më pas nga Pirro. Qyteti dominonte luginën e Drinosit, që ishte një zonë rurale e pasur dhe për të mbrojtur gjithë këtë territor kishte edhe fortesa të tjera periferike: fortesa e Leklit në veri, e Labovës në lindje dhe e Selosë në jug. Perimetri i mureve fortifikuese mund të ndiqet i plotë dhe fillon të vërehet që në hyrje të parkut. Në të djathtë të hyrjes, në pjesën veriore të qytetit ndodhet kodra e quajtur “Akropoli”.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë