TKOB: “Komisari”, fryt i bashkëpunimit Nikolla Zoraqi, Dritëro Agolli dhe Piro Mani

Opera “Komisari” është një tjetër prodhim i Teatrit Kombëtar të Operës dhe Baletit. Nga materialet e arkivit, TKOB sjell këtë herë në vëmendje këtë vepër që erdhi në skenë dekada më parë. Teatri shprehet se atë kohë dhe nga shtypi i kohës u vlerësua. “Ky produksion është fryt i bashkëpunimit të kompozitorit Nikolla Zoraqi, shkrimtarit Dritëro Agolli dhe regjisorit Piro Mani. Premiera e operës u shfaq në 23 shkurt të vitit 1975. Në gazetën “Drita” të 30 marsit 1975 shkruhej: “Sukses i ri për krijimtarinë tonë kombëtare operistike dhe artin tonë skenik që pasuroi repertorin me një vepër të re shqiptare””, shprehet TKOB në faqen e tij. Dirigjent në vepër Mustafa Krantja, skenograf Ksenofon Dilo, mjeshtër kori Rozmari Jorganxhi, koreograf Agron Aliaj. Rolet dhe interpretët -Memo Kovaçi: Gaqo Çako, Hysen Koçia; Rrapo Tabani: Avni Mula, Hysen Kurti; Xhemal Borodina: Lefter Besho, Pëllumb Katroshi; Zana: Luiza Papa, Ermelinda Paparisto; Ademi: Agim Quku, Petrika Rrëmbeci, Pandi Zguro; Asllani: Janaq Mici, Sali Brari Kristo Borova: Ramiz Kovaçi, Gjoni Athanas, Behar Islami; Alma: Eleonora Pejo, Fitore Mamaqi; Andrea: Haki Dulli, Hysni Zela; Kristina: Irena Gjerga, Jorgjia Misa. Për të vijuar me rolin e Sali Protopapës që ishte Buran Spahiu; Bamk Qylollari: Haxhi Tafaj; Zariku: Gaqo Zdruli, Haxhi Tafaj; Qanoja: Behar Islami, H.Toçi; Lefter Lefteri: Petrika Rëmbeci, Veiz Tare, Ylli Naço; Spiro Qëndo: Ibrahim Tukiçi, Kristaq Paspali, Janaq Mici; Hans Binkopi: Vangjo Kosta, P.Peleshi; nëna: Gjenovefa Heba, Shqipe Mingomataj; vajzat partizane: Shqipe Zani, Tefta Çavo, Tatjana Elmazi, Fiqirete Kapaj, Xhovana Doku; fshatari Minella Kriqi; gjermani lajmëtar Enrik Paci. Artisti i popullit Nikolla Zoraqi lindi më 24 janar në vitin 1929 në Tiranë dhe u nda nga jeta në vitin 1991. Kompozitori gjatë karrierës së tij dha një kontribut të veçantë në zhvillimin e muzikës së re shqiptare.