Së fundmi “Billboard Top, 100” ka publikuar këngët më të vlerësuara dhe të dëgjuara për vitin 2022, ku shihet se si artistet me origjinë shqiptare, kanë “pushtuar” “top-listat” me projektet e tyre muzikore.Në kategorinë “Hot Dance/ Elektronic Song”, vërehet se 3 këngëtare shqiptare janë renditur në “Top-10”.E para në listë renditet Dua Lipa me bashkëpunimin e saj me Elton John “Cold heart”.
Shqiptarja Ava Max, është një tjetër artiste, e cila ka zënë vendin e katërt me këngën e saj “The Motto” në bashkëpunim me Dj Tiesto, ndërkohë Bebe Rexha është renditur në vendin e shtatë me projektin e saj “I’m Good”, në bashkëpunim me Dj e njohur David Guetta.Kjo e fundit e ka ndarë këtë lajm edhe në “Instastory”-n e saj.
Kujtojmë se pak ditë më parë në mbrëmjen e “MTV Europe Music Awards 2022”, ishte një mbrëmje ku mbizotëruan shqiptaret.Rita Ora së bashku me bashkëshortin e saj Taika Waititi, ishin prezantuesit e këtij eventi, ndërsa shqiptaret Bebe Rexha, Ava Max performuan hitet e tyre më të fundit.Bebe, Ava dhe Dua Lipa ishin në garë për çmimin “Bashkëpunimi më i mirë”