Po dalin shumë “mendimtarë” se si bëhet e ringrihet Partia Demokratike,po të cilat ngjajnë më shumë me ato se çfarë dikur “ripërtëriheshin”partitë komuniste në perëndim si parti komuniste e “rindërtuar”, partia komuniste e “rithemeluar” etj., ndonjë “mendimtar” politik thotë se duhet të dëgjohet një “këshill i të urtëve”, gjë që e ka thënë më parë Edi Rama për Partinë Socialiste; dikush tjetër thotë për një drejtim kolegjial të Partisë Demokratike, model që e ka përdorur Partia Komuniste e Bashkimit Sovjetik pas vdekjes së Stalinit. “Foltorja” apo “rithemelimi” i PD-së është praktikë që e kanë përdorur partitë komuniste për ta ruajtur ideologjinë marksist -leniniste kundër rishikimit dhe revizionizmit , pra për të mos lejuar devijancat nga marksizëm-leninizmi dhe lidershipi. Pra edhe “rithemelimin” e PD -së e kërkojnë ish-lideri suprem i saj dhe të gjithë të tjerët, ata të cilët si “konservatorizëm” apo si rithemelim kërkojnë që mbajnë PD-në ne kthetrat e tyre, si pronë e mjet sundimi të përjetshëm të PD– së nga ata dhe të afërmit e tyre, pra ashtu si është regjimi komunisto-konservator në Korenë e Veriut. Pra, këta filozofë tregojnë që Partia Demokratike të bashkohet si një amalgamë turli idesh e përvojash dështake, vetëm me qëllim që këta mendimtarë dhe ata të cilët qëndrojnë pas tyre të zvarriten e ta mbajnë peng PD-në për interesa të ngushta personale. Partia Demokratike në fakt është ajo institucionale e cila ka një bërthamë të shëndetshme në krye si Basha, Alibeaj, Bejko ,Pampuri etj., por edhe se baza, ajo rinore kryesisht , qe beson te Basha dhe te elita re politike demokratike dhe proamerikane.