BREAKING NEWS

SPAK ka hyrë në një zonë të “minuar”, janë grabitur informacione sensitive të klasifikuara sekret, ja si mund të shantazhohen deputetët, në skemë mafiozë të përfshirë shërbime inteligjente të huaja, në rrezik aksionet policore, Kreshnik Spahiut plas “b...

SPAK ka hyrë në një zonë të “minuar”,
x
BREAKING NEWS

Romeo Kara: Ja provat e bujshme që ka zbuluar drejtësia për çiftin Meta-Kryemadhi, SPAK drejt përfundimit të hetimeve për dosjen e pastrimit të parave, pritet komunikimi i akuzës, po përgatitet dhe arrestimi i Argita Malltezit

Romeo Kara: Ja provat e bujshme që ka zbuluar drejtësia për
x
BREAKING NEWS

Përçahet strofulla e “non-gratave”, Ilir Meta sulmon Rithemelimin dhe deklaron prishjen me Sali Berishën, ja akuzat për ish-kreun e PD

Përçahet strofulla e “non-gratave”, Ilir Meta sulmon
x
BREAKING NEWS

Vazhdon pazari i Rithemelimit me Rilindjen, Berisha thellon sulmet ndaj Erion Veliajt, kërkon zgjedhje të parakohshme në Bashkinë e Tiranës, Belind Këlliçi kandidat i "Foltores", Edi Rama me "as nën mëngë"

Vazhdon pazari i Rithemelimit me Rilindjen, Berisha thellon sulmet ndaj Erion
x
BREAKING NEWS

Djali i ish-ministrit të PD kandidat për Avokat i Popullit, zbardhen prapaskenat e një tjetër pazari të fshehtë Rama-Berisha, synohet goditja e Reformës në Drejtësi përmes njeriut të “non-gratës”

Djali i ish-ministrit të PD kandidat për Avokat i Popullit, zbardhen
x
BREAKING NEWS

Ja pse Rrumbullaku gënjeu kryeministrin Rama dhe si Ervin Muça eksportoi të dhënat e sistemit TIMS, Karamuço zbardh detajet e fundit, futen në lojë edhe amerikanët

Ja pse Rrumbullaku gënjeu kryeministrin Rama dhe si Ervin Muça
x
BREAKING NEWS

Ja kush janë 2 postierët që i pastrojnë paratë Ilir Metës në Angli, udhëtimet e tyre të shpeshta dhe të pajustifikuara drejt Londrës, zbardhen detaje nga pasuritë e tij të fshehura në bankat e Zvicrës, Kongos, Qipros dhe San Marinos, dalin në skenë edh...

Ja kush janë 2 postierët që i pastrojnë paratë Ilir
x
BREAKING NEWS

Ilir Meta po përgatit terrenin për të shpëtuar nga prangat e SPAK, ja “asi i tij nën mëngë”, Evi Kokalari bën deklaratën e fortë

Ilir Meta po përgatit terrenin për të shpëtuar nga prangat e
x

Opinion / Editorial

“Legjendat nuk vdesin”, një vepër me vlera të ngritura

“Legjendat nuk vdesin”, një vepër me vlera të

Monografia është një punim shkencor kompleks, që ngjizet me data dhe shifra që rrokin aspekte të ndryshme të jetës në rrafsh shpirtëror, ekonomik, social (kur si objekt shtjellimi ka një trevë apo zonë të caktuar gjeografike duke vënë në qendër të vemendjes bashkësitë njerëzore përkatëse, që jetojnë dhe zhvillojnë veprimtarinë aty).
Monografia mund të merret edhe me jetën e vlerat që ka arritur gjatë saj një personalitet i shquar në një fushë të caktuar. Cilidoqoftë subjekti i monografisë, autori që merr përsipër shkrimin e saj duhet ta japë me saktësi të padiskutueshme jo vetëm në tërësi, por edhe në detajet më të imta, sidhe ta veshë me një petk të ndritshëm artistik, me gjuhë të pastër e të pasur, me stil të rrjedhshëm, plot figura artistike e larmi frazeologjike, që të ngjallë tek lexuesit e çdo moshe dhe niveli kënaqësi estetike dhe dëshirën për të mos e lëshuar nga dora nga fillimi deri në fund.
Për të përmbushur këto kërkesa është e domosdoshme që autori i monografisë të ketë përgatitje të thellë e të gjithanshme intelektuale dhe të jetë në gjendje të kryejë analiza e sinteza të të dhënave dokumentare, të cilat janë regjistruar gjatë kohës. Kur merr në dorë monografinë afro pesëqindfaqëshe “Legjendat nuk vdesin”, kushtuar baritonit të shquar me famë botërore Lukë Kaçaj (Shtëpia Botuese “Pegi”), bindesh se ai që e ka realizuar këtë vepër madhore - muzikologu dhe esteti Loro Sata, jo vetëm është në lartësinë e kërkesave që rreshtuam më lart, por shquhet edhe për pasionin e jashtëzakonshëm, për respektin dhe dashurinë e pamatë që ushqen për këngëtarin e rrallëarritshëm.
Me nota lirike që rezonojnë me shpirtin e ndjeshëm të çdo artisti të vërtetë, me një hijeshi dhe elegancë prekëse deri në “dhembje krenare”, autori ndërmerr një inkursion të rrallë për nga kohëzgjatja dhe për nga shtigjet plot të papritura, duke vendosur piketa të ndritshme në momentet më domethënëse. Kësisoj ai e përshkon trajektoren me një siguri që ia dhuron zotërimi i thellë i temës sidhe falë njohjes, jo vetëm të protagonistit, por edhe të mjeshtërisë së të shkruarit.
Portreti i Lukë Kaçajt është vizatuar me ngjyra të ndezura duke na mundësuar ta shohim dinamik e të paepur këtë artist e demokrat të mirëfilltë, si në momentet e gëzueshme të sukseseve të merituara e të njëpasnjëshme në skenat vendëse dhe të huaja, ashtu edhe në çastet më dramatike kur e prangosin sikur të qenkësh jo një thesar i paçmuar mbarëkombëtar e më tej, por si një keqbërës i rëndomtë.
Shpirtmadhësia prej malësori krenar dhe modestia prej kalliri grurëplot, si dy shina të çelikta mbi të cilat ngarendi lokomotiva e jetës së tij, nën tingujt e sirenës së zërit të tij burrëror e njëherazi magjepsës, e përshkojnë si fill i kuq krejt librin dhe, në fund, i përlotur nga fatkeqësitë e protagonistit, por edhe nga arti i kulluar me të cilin është shkruar vepra që mban titullin kuptimplotë “Legjendat nuk vdesin”, kushdo nuk e sheh të nevojshme të çlodhet dhe e rifillon leximin nga e para për të ndjerë sërish kënaqësinë që i jep njëlloj si refreni i një melodie të bukur klasike apo moderne, arie apo këngë popullore.
Nuk e quaj të udhës të hyj në hollësi për subjektin, që të mos jua shuaj sadopak kurreshtjen.