Në SHBA pritet të dalë rezultati përfundimtar i zgjedhjeve për Senatin dhe Dhomën e Përfaqësuesve. Në këtë shtet zgjedhjet ndodhin çdo dy vjet, një proces i përcaktuar në Kushtetutë. Themeluesit e Kushtetutës caktuan që në krijimin e saj që pushteti legjislativ, Kongresi, të përbëhej nga dy dhoma: Dhoma e Përfaqësuesve dhe Senati. Në Dhomën e Përfaqësuesve çdo shtet dërgon një numër përfaqësuesish sipas numrit të popullatës së çdo shteti. Ndërsa në Senat, dy përfaqësues nga çdo shtet pavarësisht numrit të popullatës. Kjo u bë për të ruajtur balancën midis demokracisë popullore dhe drejtimit të elitave. Për më tepër Kushtetuta cilëson se zgjedhjet për Dhomën e Përfaqësuesve të bëhen çdo dy vjet, për President çdo katër vjet, për Senat çdo gjashtë vjet, ndërsa mandati i gjykatësve të Gjykatës Supreme të jetë i përjetshëm në mënyrë që gjykatësit të mos ndikohen nga rotacionet politike. Në këtë mënyrë Kushtetuta siguron qarkullimin e elitave dhe rotacionin e pushtetit. Neni 1, Paragrafi 3, i Kushtetutës së SHBA përcakton: “Senati ndahet në tre Kategori. Karriget e Senatorëve të Kategorisë së Parë do jenë të lira në përfundim të vitit të dytë, dhe Kategoria e dytë do përfundojë në vitin e katërt, ndërsa Kategoria e tretë në vitin e gjashtë.” Ndërsa Presidenti, me mandat katër vjeçar, nuk do zgjidhet drejtëpërdrejtë nga populli por nga një grup përfaqësuesish, që njihet si Kolegji Elektoral, nga çdo shtet. Në këtë mënyrë ndodh rotacioni i vazhdueshëm politik, shmanget tërësisht kontrolli i një pale të vetme dhe forcohet vullneti i lirë i qytetarëve dhe i përfaqësuesve të zgjedhur. Në këtë mënyrë forcohet demokracia.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë