Poeti Arben Duka shpërtheu në akuza dje kundër kreut të Institutit për Studimin e Krimeve dhe Pasojave të Komunizmit, Agron Tufa. Ky i fundit e paditi pak ditë më parë për shpifje, por Duka iu kundërpërgjigj dje. Nga një studio televizive ai e quan Tufën fondamelist islamik që nuk meriton as të urrehet. Sipas Dukës, Agron Tufa nuk shpëton dot nga zemërimi popullor dhe i bijve të heronjve të rënë gjatë Luftës Antifashiste Nacional-Çlirimtare. “I është kundërvënë Shqipërisë, por historisë nuk i kundërvihesh dot. Ai i ka hapur shumë punë vetes sepse ka bërë një krim, kundër historisë dhe do ecë gjithë jetës me kokën mbrapa. Nuk kemi parë asnjë lloj dokumenti, thjesht mendime që këta janë kriminelë. Por ne nuk jemi dakord. Është një fondamentalist islamik që lutet shtatë herë në ditë edhe në zyrën që ia ka dhënë Edi Rama. Le ta mohojë po deshi. Nuk mund të krahasohet karakteri im me atë. Mua nuk më duhet se çfarë ka ai. Ne kemi kundër-fakte për këtë. Ne kemi gjithë historinë e luftës. Ai fol në përgjithësi. Ai është i tëri shkretëtirë, nuk meriton as të urrehet. Ai shpif kundër meje. Atë nuk ka gjyq që e shpëton nga zemërime popullor, nga historia e ndritur e luftës. Janë mijëra pasardhës të atyre heronjve dhe ai po mohon gjithçka shqiptare, jo vetëm luftën. Ai nuk mundet që heronjtë e popullit t’i shpallë kriminelë”, tha Arben Duka. Poeti shtoi se Agron Tufa nuk mund t’i quajë partizanët kriminelë sepse ata janë nderi i kombit. “Unë nuk po mbroj komunizmin, por LANÇ dhe heronjtë e saj që kanë dhënë gjakun në lule të rinisë për të mbrojtur lirinë. Si ka guxim ky, Tufa, apo tufërat e tjera, mbeturina të fashizmit, të ballistëve t’i shpallë kriminelë kur e gjithë bota i nderon. Kjo nuk qëndron. Ne nuk jemi të detyruar të besojmë ato që thotë zoti Tufa. Këta që i ka shpallur ky kriminelë janë nderi i kombit, janë elita e luftës që kanë dhënë gjakun, që kanë dhënë jetën, janë heronj të popullit dhe i ka hyrë në gjak historisë së Shqipërisë”, deklaroi Arben Duka. Ai komentoi edhe padinë që Tufa ka bërë ndaj tij. “Nuk e di fare pse jam paditur. Ai para meje është një liliput. Unë skam asnjë lidhje me kërcënimin e tij rrugëve. Ai ka hyrë në hak me historinë e Shqipërisë, ka hyrë në sherr me LANÇ, me mijëra nipër e mbesa të rrënjëve të popullit që ai i ka shpallur kriminelë”, tha poeti Arben Duka.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë