Kryetari i Prezencës së OSBE në Shqipëri, ambasadori Guido De Sanctis, organizoi dje një takim me ambasadorët e shteteve pjesëmarrëse të OSBE dhe të organizatave ndërkombëtare në Shqipëri për të shkëmbyer informacion dhe për të bashkërenduar ndihmën dhe qëndrimet për zgjedhjet lokale të 14 majit. I pranishëm në këtë mbledhje ishte dhe kryetari i Komisionit Qendror të Zgjedhjeve, Ilirjan Celibashi. De Sanctis u ndal te gjetjet e raportit të Misionit të OSBE/ODIHR për Vlerësimin e Nevojave për zgjedhjet e 14 majit, si edhe risolli në kujtesë rekomandimet nga raportet e mëparshme që mbeten për t’u përmbushur. Duke e konsideruar KQZ-në si një ndër partnerët afatgjatë më të afërt e të besuar, ai siguroi se mbështetja për këtë institucion do të vijojë. Aktiviteti i djeshëm ishte një takim i veçantë i Grupit Ndërkombëtar të Punës për Zgjedhjet, krijuar me nismën e Prezencës së OSBE-së, i cili mblidhet periodikisht për të shkëmbyer informacion dhe për të bashkërenduar qëndrimet.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë