Sekretari i Përgjithshëm i PD, Gazment Bardhi ka akuzuar dje ish-kryeministrin Sali Berisha se nuk e do bashkimin e PD. Në një emision televiziv, ai u shpreh se deri më 27 mars ka ende kohë që demokratët të bashkohen dhe të shkojnë të unifikuar në zgjedhje. Ai ftoi kandidatët e dalë nga “primaret’ të pranojnë të hyjnë nën logon e PD, teksa e cilësoi të papranueshme të futen në zgjedhje me logon e Partisë së Ilir Metës. “Nuk do duhet që kandidatë për kryetarë të jenë të atashuar me partinë e zotit Meta. Ata janë kandidatë të PL. Ata duhet të jenë të PD. Me parti të qendrës së majtë duhet të kemi marrëveshje për të mbështetur njëri-tjetrin në zgjedhje, pro kandidatë të kenë logon e PD. Unë nuk do t’i shtyj demokratët në strehën e Partisë së Lirisë. Në bashkitë ku ka dakordësi për të mos pasur kandidatë nga ana jonë është Bashkia e Hasit, është Devolli, është Divjaka dhe dy degë të tjerë. Nuk ka kuptim dhe të gjesh gjuhën me parti jashtë PD dhe të mos e gjesh brenda vetes. Si mund tu kërkojmë qytetarëve të na besojnë kur nuk gjejmë gjuhën me njëri-tjetrin. Ai që nuk do të dalë me një kandidat është zoti Berisha. Ai po u thotë demokratëve të Shkodrës se unë nuk dua 8 mijë votat e Xheml Bushtit, por më duhen 200 votat e Nard Ndokës. Ky është realiteti”, deklaroi ai. Më tej Bardhi i dha shuplakë Berishë dhe për akuzat ndaj Bashës për djegien e mandateve dhe braktisjen e zgjedhjeve vendore. “Këta që bërtasin dhe që janë si fanatikët më të mëdhenj kundër braktisjes së zgjedhjeve janë ata që e nxitën të digjte mandatet dhe braktiste zgjedhjet”, u shpreh ai. Bardhi sqaroi se grupi i Alibeajt është i gatshëm që në Elbasan apo vende të tjera t’u vërë në dispozicion kandidatëve logon e PD dhe të jenë të unifikuar, por sipas tij, nuk e pranojnë që ata të jenë në logon e PL.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë