Në 15 korrik të 2022-shit, kryeministri Edi Rama zhvilloi një vizitë në Kiev, ku shoqërohej edhe nga analisti Baton Haxhiu dhe Dorian Duçka, personi B në dosjen e Charlkes McGonigal, ish-zyrtarit të FBI-së.
Për këtë udhëtim ka folur mbrëmjen e sotme Haxhiu, i cili tregoi në një intervistë televizive se i kishin bërë pështypje çantat e Duçkës.
“Unë nuk e kam takuar deri sa kemi arritur në Kiev. E kam parë me një situatë interesante dhe më kanë bërë përshtypje çantat e tij. Ajo që unë jam befasuar gjatë udhëtimit, nuk ka qenë pranë Ramës, por ai ka pasur një trajtim të veçantë në Kiev dhe këtë nuk e kam kuptuar kurrë se pse ka ndodhur.
Ka pasur një trajtim të veçantë, me një pjesë tjetër të njerëzve që ka ndenjur. Mirë do të ishte që ai të rrëfente për trajtimin e tij nga të tjerët. Kaq mund të them.
Shkullakut i kam bërë një pyetje, se çfarë është ky njeri që është kaq i rëndësishëm dhe i pritur aq mirë nga një pjesë e ukrainasve. Shkullaku më tha, merre seriozisht për arsye, se nuk është aq serioz sa çantat e tij”, theksoi ai.