Berisha: Largimi i Ramës është emergjencë kombëtare, ka mbetur si kalbësirë, s’duhet ta pranojë asnjë vend i NATO

Ish-kryeministri Sali Berisha bëri thirrje për protesta qytetarëve të vazhdueshme deri në rrëzimin e kryeministrit Edi Rama nga pushteti. Në konferencën e pasdites së djeshme, Berisha përgëzoi deputetët demokratë të “Foltores” për kontestimin e mungesës së Ramës në Kuvend për ballafaqim me opozitën për skandalin “McGonigal”. Ai shtoi se me skandalin e krijuar, Rama nuk duhet të jetë jo vetëm kryeministër, por të mos pranohet në asnjë vend të NATO-s. “Ju përshëndes për qëndrimin e përgjegjshëm e të rëndësishëm në Parlament, por dhe të zotohem para qytetarëve shqiptarë, zgjedhësve se PD nuk e lëshon atë Parlament. Rama sot politikisht është thjesht një kalbësirë, që nuk duhet në asnjë mënyrë të ketë vend në hapësirën e NATO si përfaqësues i popullit shqiptar. Kreu i “Foltores” u bëri thirrje qytetarëve shqiptarë që rrëzimi i Ramës nga pushteti është emergjencë kombëtare. “Ju duhet të dëshmoni, ose dorëheqjen ose do përballet me probleme shumë madhore. Çdo orë që kalon është orë turpi për çdo shqiptarë. Nuk mund të pranohet në krye të qeverisë një kryeministër që fut thikën më të rëndë dhe më të rëndat në 30 vite a më shumë në fushën e sigurisë së vendit. Largimi i tij është emergjencë kombëtare”, përfundoi fjalën e tij Berisha.