Kandidati i Partisë Demokratike zyrtare për Bashkinë e Tiranës, Roland Bejko, komentoi dje situani brenda PD. Teksa ishte i ftuar në një studio televizive, zoti Bejko deklaroi ditën e djeshme se PD nuk mund nuk mund të jetë një parti, e cila mund të vijë në pushtet nëse në krye të saj është ish-kryeministri Sali Berisha, i cili sipas Bejkos është një nga liderët shqiptarë më të izoluar në 100 vitet e fundit. “Rithemelim real të PD nuk ka, por ka kthim në të kaluarën. Thjeshtë do futen në rresht me bari Berishën e nuk do jenë më parti pushteti. Do jenë e madhe, por e pamjaftueshme. Berisha lideri më i izoluar që ka pasur Shqipëria në 100 vitet e fundit. Madje edhe Ramiz Aliaj ishte më i lirë në kontakt me ndërkombëtarët. Duhet një figurë e re e dalë nga procesi por i pacaktuar nga Berisha”, deklaroi ai. Ndërkohë zoti Bejko tregoi se nuk e kishte menduar veten që të kandidonte për Bashkinë e Tiranës, ndërsa shpjegoi se kishte propozuar të tjera figura të opozitës, por që sipas tij nuk kishin pranuar. I pyetur se si e sheh veten në zgjedhjet e 14 majit, ai u shpreh se për Tiranën, pretendon maksimumin e votave, pse jo edhe fitoren. “Pretendoj në Tiranë të marrim maksimumin e mundshëm dhe pse jo edhe fitoren. Se kam pas menduar më parë për të menduar për Tiranë. Unë as në ëndërr nuk e kisha ndonjëherë për të kandiduar për Tiranën për kryetar bashkie. I vendosur në minutën e fundit sepse nuk kishte një tjetër që ta merrte, nuk qëndron. Unë propozova Jorida Tabakun dhe nuk e pranoi, propozova Gazmend Bardhin, edhe ai nuk e pranoi, po ashtu edhe Jonila Godolen e cila pranoi dhe qëndruam në kandidim sepse mu desh kohë të mendohesha. Mua më propozuan anëtarë të Kryesisë dhe ka pasur propozime edhe nga dy tre të tjerë që më kanë thënë se mund ta mbaj peshën e kësaj fushate. Unë propozova këto figura sepse thashë në gjendjen e vështirë që është PD sot, mendova që marrja përsipër e kësaj përgjegjësie nga një nga figurat e forta të kësaj force, do të rriste entuziazmin. Sot PD ndodhet si në një luftë civile që na shpartalloi, sepse na lodhi edhe mendërisht në fund të fundit. Ata nuk pranuan dhe nuk e di arsyen”, nënvizoi Bejko.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë