“Me sa kryebashkiakë, ministra e deputetë të arrestuar jep dorëheqjen?”/ Analisti i njohur flet për zhvillimet e fundit: Rama e ka çuar partinë drejt grupeve kriminale

Analisti Agim Baçi ka deklaruar se Rama duhet të mbajë përgjegjësi për zyrtarët e PS-së, që kanë rënë në prangat e policisë apo janë nën hetim. I ftuar në studion e Panorama Tv, ai u shpreh se “Ramës ka mbetur t’i bëjmë vetëm pyetjen se me sa kryebashkiakë ministra e deputetë të arrestuar jep dorëheqje?”

Analisti Agim Baçi theksoi se të gjitha pushtetet janë të censuruara nga Rama dhe se ky i fundit ka zgjedhur të përdorë gjuhën e bullizimit dhe talljes.

Zyrtarë të lartë të PS në SPAK?

Ka mbetur t’i bëjmë pyetjen me sa kryebashkiakë ministra e deputetë të arrestuar jep dorëheqje? Një  kryeministër mban përgjegjësi. Ai thotë që përgjegjësia politike ai që e bën, por ti i ke prezantuar dhe mbrojtur? Nuk ta të njëjtën përgjegjësi penale por politike, po.

Është fekalizuar komunikimi publik, nuk flet për dhënie llogarie por jemi tek bullizmi. Thuhen akuza pafund, këtu është përgjegjësia e gjyqësorit, duke munguar drejtësia opozita dhe mediat ngjajnë si thashethemexhi.

Të krijosh idenë që të gjithë janë hajdut, i intereson atij që është në pushtet.

Rama ka lënë mënjanë njerëzit me vlerë të PS, por me këmbëngule Rama e ka çuar partinë drejt grupeve kriminale.

Rama nuk është serioz me mediat?

Ai ka zgjedhur një model, të bullizmit me mediat. Është padyshim një zgjedhje, kjo i shërben dekurajimit. Është mburojë ndaj vetes.

Në një vend normal nuk do kishte ndenjur as 24 orë kur i tha qytetares “demin e kam sjellë për lopën, jo për ju”, Gjuhën e talljes së tij e refuzoj, por ia kërkoj dhe çdo qytetari.

Është kryeministri i shqiptarëve, duhet të sillet si i tillë.