Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ndërkombëtarët marrin në dorë dosjen e aferës së CEZ, PS paralajmëron: Çështja nuk mbyllet pa u dënuar Meta me Berishën

Postuar: 22/07/2018 - 10:00

Shtetet e Bashkuara të Amerikës dhe Bashkimi Europian kanë tashmë në dorë dosjen e aferës së CEZ. Një vit më parë juristi Romeo Kara dhe Taulant Balla, si kryetar i një komisioni hetimor parlamentar, paditën rreth 22 zyrtarë, me argumenti se i kanë shkaktuar shtetit rreth 414 milionë euro dëm nga privatizimi i OSSH. Kjo çështje është ende nën hetim dhe askush nuk ka shkuar në gjykatë. Gazeta e lajmëroi se 17 korriku ishte afati i fundit i vënë nga gjykata dhe nuk dihet se çfarë do të bëjë organi i akuzës. Megjithatë shpresat e juristit Kara dhe mazhorancës janë te ndërkombëtarët. Gazeta ka mësuar se pak muaj më parë dosja e aferës së CEZ është dërguar pranë ambasadës së SHBA dhe asaj të BE nga vetë Romeo Kara. Ky i fundit e ka konfirmuar dhe për gazetën, duke thënë se përveç dosjes voluminoze që ka fakte dhe prova kundër Sali Berishës, Genc Rulit, Shkëlzen Berishës, etj., ai ka dhënë dhe shpjegime dhe argumente shtesë mbi të gjithë çështjen. Dosja është pranuar nga të dyja ambasadat dhe tashmë ndodhet atje. Kjo do të thotë se shpresat janë për një zbardhje të të gjithë këtij skandali, ku për herë të parë janë akuzuar një sërë zyrtarësh të lartë. Prokuroria pak muaj më parë mori në pyetje Shkëlzen Berishë, djalin e ish-kryeministrit Berisha dhe Genc Rulin, të dy të akuzuar si të përfshirë në skandal. Por momentalisht çështja ka ngelur te dëshmitari Nuel Kalaj. Ky është sekseri që lidhi çekët me qeverinë e Berishës dhe finalizoi marrëveshjen. Edhe ai është mes të kallëzuarve, ndërsa prokuroria ka dërguar disa fletëthirrje për të dhe ai nuk gjendet. Një ditë më parë Kara në një intervistë për gazetën tha se padronët e Kalajt kanë filluar të tremben, ndërsa shtoi se në dosje ka prova të mjaftueshme që ajo të paraqitet në gjykatë. Afati hetimor i vënë nga gjykata ka mbarur, tani i mbetet të shihet se çfarë rruge do ndjekë prokuroria: Do kërkojë zgjatje hetimesh, do e dërgojë çështjen në gjykatë, apo do pushojë hetimet.

Reagon PS

Lidhur me skadimin e afateve për hetimin e aferës së CEZ, gazeta ka pyetur edhe pranë PS, pasi ishte kjo parti që bëri padi në prokurori. Deputeti Bujar Çela kërkoi që të zbardhen sa më shpejt të dyja dosjet, ajo e privatizimit të OSSH dhe ajo e paktit CEZ-DIA, ku akuzohen Sali Berisha dhe Ilir Meta. “Mos harroni që historia e të gjitha krimeve të ndodhura gjatë këtyre 25 viteve, kanë një emër, emri i tyre është Presidenti Ilir Meta. Kështu që dosja CEZ jo vetëm që duhet të hapet, por nuk ka vlerë nëse para Prokurorisë së Krimeve të Rënda nuk del si i pandehur Ilir Meta. Pas këtij vijnë të gjithë me radhë, Sali Berisha, Genc Ruli, drejtori i CEZ i asaj kohe, etj, etj. Efekti domino në dosjen CEZ duhet të kapë të gjithë të implikuarit në këtë aferë duke i çuar para drejtësisë. Ndryshe po nuk u hap kjo dosje, ne bëjmë lajme vetëm për mediat, dhe asgjë në shërbim të qytetarëve, të cilët janë aleatët tonë”, tha ai, duke dhënë sinjale se nëse prokuroria e mbyll dosjen, atëherë do ketë një reagim të fortë politik nga mazhoranca.

Shpresat te SPAK

Nëse prokuroria nuk dërgon në gjykatë të akuzuarit, paditësit kanë shpresa te SPAK. Sipas ligjit, çështjet që kanë të bëjnë me korrupsion në nivele të larta do transferohen atje sapo ajo të ngrihet. Dosjen tashmë e kanë në dorë ambasadorëve Lu dhe Vlahutin dhe pritshmëritë janë që me zyrtarizimin e SPAK ajo të kalojë në prokurorinë e posaçme, e cila do merret me shfarosjen e korrupsionit. Ndërkohë në Prokurorinë e Krimeve të Rënda është dhe një tjetër dosje, ajo e aferës CEZ-DIA, që dhe për të shpresat janë te reforma në drejtësi.

Kliti Topalli

 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/08/2019 - 19:29

Ish deputeti i PD-së Bardh Spahia u ka bërë thirrje gjithë shkodranëve që të jenë të bashkuar për Shkodrën e të veprojnë tani, pasi nesër do të jetë shumë vonë.

Postuar: 17/08/2019 - 19:20

Parlamentit shqiptar do t’i shtohet edhe një parti tjetër në mesin e 70 partive aktuale.

Postuar: 17/08/2019 - 19:19

Edhe pse Valdrin Pjetri ka dhënë dorëheqjen, Prefekti i Qarkut të Shkodrës ka thirrur mbledhjen p

Postuar: 17/08/2019 - 18:52

Sekretari i Përgjithshëm i PD-së, Gazment Bardhi i ka kthyer menjëherë përgjigje kryeministrit, E

Postuar: 17/08/2019 - 18:38

Disa hotele janë bllokuar pasi nuk kanë paguar detyrimet përkatëse ndaj shtetit.

Postuar: 17/08/2019 - 18:20

Kryeministri Edi Rama sot për herë të parë ka treguar një sekret.

Postuar: 17/08/2019 - 17:15

Shkeljet, abuzimet dhe batërdia që po bëhet në kurriz të qindra shqiptarëve me falimentimin e &ld