“Po vë në rrezik edhe vetë sigurinë kombëtare”/ Shpërthen deputeti i PD-së dhe nxjerr zbuluar kryeministrin: Basha dhe McGonigan u korruptuan nga Rama, ky ishte qëllimi

Deputeti i Partisë demokratike Luan Baçi ka shpërthyer në akuza ndaj kryemoinistrit Edi Rama lidhur me sjelljen e tij ndaj skandalit më të madh korruptiv ndërkombëtar në të cilin është përfshirë Shqipëria ndonjëherë , që kulmoi me arrestimin e zyrtarit të lartë të FBI-së Charles McGonigan se kishte marrë para ruse, por në dosjen e të cilit rezulton edhe kryeministri shqiptar.

Në emisionin “Ditë e re”, në RTV Ora, Baçi deklaroi se ky skandal vërtetoi faktin se ne kemi pasur një opozitë të kapur prej shumë vitesh, kjo është dëshmuar se Lulzim Basha ishte kthyer në shërbëtor të Edi Ramës.

“Ne kemi pasur një opozitë të kapur prej shumë vitesh, kjo është dëshmuar se Lulzim Basha ishte kthyer në shërbëtor të Edi Ramës.

Një nga 4 njerëzit më të fuqishëm të FBI-së po ashtu ishte i kapur dhe i korruptuar dhe i ka shërbyer Edi Ramës në dëmtimin e opozitës.

Rama ka përdorur paratë e taksapaguesve shqiptarë për të korruptuar politikanë dhe agjentë të lartë të kundërzbulimit amerikan me qëlklimin e vetëm për të dëmtuar opozitën di formë për të mbajtur pushtetin e tij.

Do të jetë një protestë që do t’i tregojë vendin këtij kryeministri. Por një protestë e vetme që mendoj se do të jetë e fuqishme, nuk është e mjaftueshme. Pasi qytetarët, shoqëria civile dhe kushdo tjetër që ka një zë duhet të ngrihen për t’i treguar vendin kësaj qeverie.

Edhe mbrëmë doli në dy televizione i shfazuar duke u justifikuar me argumente me bajate dhe të ulëta, që tregojnë se kemi një kryeministër të degraduar.

Edhe operacioni i policisë për heqjen e kamerave  është tregues se krimi bën ligjin në këtë vend dhe është sinjal i degradimit të shtetit nga kjo qeverisje e kurruptuar, që vë në rrezik edhe vetë sigurinë kombëtare me korrupsionin e saj", deklaroi ligjvënësi demokrat, Luan Baçi.