Kryeministri Edi Rama i ka bërë qokën e radhës presidentit turk Recep, Tayyip Erdoğan. Ky i fundit e ndihmoi të fitonte zgjedhjet e 2021, duke ndërtuar spitalin në Fier dhe shtëpitë e prekura nga tërmeti. Duke qenë se tani është në rrezik të humbasë zgjedhjet, Rama është hedhur në sulm ta inkurajojë dhe ndihmojë me sa të mundet “vëllanë” e tij turk, duke ndërhyrë hapur në zgjedhjet e një shteti tjetër dhe duke i bërë karshillëk Perëndimit. Rama ka përcjellë një video-mesazh me rastin e zgjedhjeve presidenciale në Turqi dhe kërkon vota për Erdoganin, duke sfiduar dhe Perëndimin. Nëse ndiqen mediat perëndimore, të gjithë mbështesin kandidatin e opozitës, por Rama kërkon mbështetje për mikun e tij. “Është padiskutim detyra e qytetarëve të Republikës së Turqisë të zgjedhin liderin dhe qeverinë që duan. Askush nuk mund dhe nuk di ta bëjë këtë më mirë se ata. Por, në respekt të secilit e të secilës prej tyre, unë dua të shpreh konsideratën më të lartë për Presidentin Erdoğan, vizioni, kurajoja, vullneti dhe puna e palodhur e të cilit, e ktheu në sytë e krejt botës Turqinë në shembullin e një transformimi fantastik”, shprehet ai. Duke folur për rëndësinë e Erdogan në krye të shtetit turk në këtë periudhë, Rama tha se eksperienca dhe karakteri i tij ka qenë tepër i rëndësishëm gjatë konfliktit në Ukrainë, për shkak se bëri të mundur furnizimin me grurë të vendeve që prekeshin nga pasojat që sillte ky konflikt i armatosur. Ndërsa foli për rëndësinë e Erdogan për shqiptarët, Rama e konsideroi si mik të ditëve të vështira, duke përmendur edhe faktin se Turqia ishte shteti i parë që njohu shpalljen e pavarësisë së Kosovës. Po ashtu solli ndërmend edhe mbështetjen e Turqisë për Shqipërinë pas tërmetit katastrofik të 26 nëntorit të vitit 2019. Mes të tjerash, Rama e konsideron Erdoganin jo vetëm si një mik të mirë në ditë të vështira por edhe si një lider politik që e mban fjalën. Duke vijuar më tej, Rama tha se edhe Turqia në 14 maj, vendos mes vështirësisë për të vazhduar para dhe kthimit mbrapa që sipas tij është një rrugë shumë e lehtë. Kryeministri shqiptar u kërkoi qytetarëve turq që kur të votojnë të kenë parasysh rolin e pazëvendësueshëm të Turqisë për ruajtjen e ekuilibrave të brishtë të Ballkanit.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë